بسم الله الرحمن الرحيم
السلام عليكم زرحمة الله وبركاته

مو عارف كيف ابدا وهاذي مشاكلي احتار كثير في اتفه الاشياء ولا اثق باي شيء اسويه حتى لما بديت اكتبالموضوع ما عرفت وش اقول كيف ابدا بجيب العيد محد بيفهمني بتضحكون علي !! ( قريت موضوع بنت لها نفس مشكلتي اعتقد لان تقريبا كل اعراضها عندي المهم ) استعنت ببعض النقاط اللي هي حطتها وعندي نفس مشكلته
موضوعها

احس اذا جيت اتكلم محد بيفهم من اللي اقوله او يكون مو واضح بالنسبة لهم او غريب لاني افكر بكل شيء واتفه الاشياء وادور سبب لكل شيء حتى لو الموضوع ما يخصني
علاقتي مع اهلي حلوة لاني تجاهلت اشياء كثيرة يعني فيه مواقف غيرتني للاسوء بس تجاهلتها واكد لنفسي انهم يحبوني طبعا الكلام ذا يمس امي وابوي وبعض اخواني وبعض اخواتي

اصدقائي
عندي اصدقاء كثير بس ما احب اطلع معهم واذا طلعت اندم واجلس ساكت ما اتذكر متى اخر مرة طلعت واستانست وتمنيت اني اطول معهم هم يحسون اني ما ابيهم بس دايم اجيب اعذار وهم يمشونها لي
احس اني مخلتف عن الناس الطبيعين اشوف انهم مرتاحين مرة مو مثلي
مرات اشوف نفسي ذكي واذكى منهم ومرات احس اني غبي لدرجة اني ما صرت افهمهم
ما احب المناسابات الاجتماعية ولا ارتاح فيها احس الكل يراقبني و ينتظر متى اغلط

واذا كتبت شيء في اي برنامج تواصل اجتماعي اندم كثير ومرات احذفها

احس اني معرف اتكلم مع اي احد خارج بيتنا الا كم شخص ينعدون على الاصابع
يعني مثلا اذا جيت اتكلم مع صديقي في موضوع احس اني اجيب العيد كثير يعني مرات اغلط عليه بدون ما احس او احس انه ما يفهمني هو ما يقول لي انه ما فهمني بس كذا احس وبعض المرات اقول كلمة ماله دخل في السالفة ,لكن اذا تكلمت مع اخوي بنفس السالفة ما اسكت ولا احس اني جبت العيد ومتاكد انه فهمني تصير ذي الحالة بس مو مع كل اخواني
مرات اخلص كلامي والطرف الثاني ينتظر اني انهي كلامي اتوتر هنا واعتقد يبان علي
ولا عندي طلاقة في الكلام جمل مكركبه

ااسوي اشياء بعدين استحقر نفسي اني سويتها واندم كثير والموضوع ما يستاهل كل ذا
احب يكون كل شيء واضح ويكون نفس ما خططت له

دايم حزين ومحبط احس بالضيق وفاقد للثقة ومرات اكرهه نفسي
اوهم نفسي ب اشياء اجابيه وتتحسن حالتي شوي

نادر جداً احس ب الفرح
احب اجلس لحالي
ولا احب احد يتقرب لي على طول انفر منه واحاول ما احتك فيه الا نادر امثل انه عادي وتمشي معي بس اذا كلمني على الجوال اتجاهله وارد عليه بعد ساعات

مرات حتى اقرب اصدقائي اتجاهل رسايلهم

واذا جلست افضفض في موضوع مع واحد بعد وقت اتحسف واندم كثير
اكثر شيء يضايقني اني انسى كثير وداايم اذا جيت اتكلم اسكت عشان اتذكر اسم شغلة معينه
هذا مشاكلي ومتاكد اني نسيت اشياء ثانية كثيرة

ملاحظة يوم كان عمري 6 سنوات تعرضت للتحرش وكل بيتنا عرف عنها لدرجة ان بعضهم كانو يعايروني فيها صارت تحرشات بعدها من بعض اخواني