ياكيف بعت اللي بروحه يداريـك
وإنته مريح البال ليلك ويومـك
ذاهِل منامك .. صيحته ماتوعَّيك
شخصٍ على حبَّه .. يبين معلومك
تقطع رِجا مِن كان بالحب يرجيك
يرجيك وإنته غاية العمر دومـك
يذرى الهوى وبغالي الرَّوح يفديك
ماتخاف ربَّك في صلاتك وصومك
إلى متى يامهجتـي فـي تِناسيـك
سابق هواك وشارعـاتٍ أُلومـك
إرحم شجيٍ طامعٍ فيك يرجيـك
يابعد عمري ما ضميرك يلومـك ؟؟
أوَّن لامـرَّوا بتذكـار طاريـك
وأصغي سموعي وأتحرَّى علومـك
ليت العذول يكف عذلٍ عذل فيك
وياخذ عيوني لأجل مِنها يشوفـك