الله يربط على قلبك ويعينك اخوي
انا حاس فيك واعرف مرارة الخيانه ويمكن انت اخف مني ومن كثير اعضاء بالمنتدى تعرضوا للخيانه بابشع صورها وبنفس الوقت عارف الحيره اللي يعيشها الرجل بين استقرار اولاده بين ام واب وبين كرامته ورجولته وعرضه اللي استباح من كل من هب ودب

ولكن اخوي فيه حاجات لازم تنتبه لها وعلى اساسها يتم تقييم الموضوع
اولاً لازم تتأكد ان الموضوع ماتعدى المكالمات لان واضح انها من النوع اللي اذا انحشر يكذب ويألف والدليل كلامها الاول والثاني قبل تكشفها فـ لازم تتأكد وين وصلت علاقتهم
وانا بكلامي هذا ماابي ازيد شكك بزوجتك ولكن عشان تقرر وانت عارف كل شي وماتنصدم مره ثانيه

ثانياً اذا تأكدت ان الموضوع ماتعدى مكالمات انتبه تسامحها على طول وكأن شي ماصار لا خلها ببيت اهلها اطول فتره ممكنه مو اقل من 6شهور وطبعاً انت لازم تقول لـ اخوها اللي تواصلت معه وتفهمه عن العلاقه ومع سحب الجوال منها هذه المده ولا تخلي لها اي وسيلة اتصال وبعدها المده اللي تقضيها عند اهلها انت وقتها تكون امورك استقرت وتقدر تشوف الامور بشكل اوضح عن مدى قدرتك على المسامحه والنسيان والا لا
مع اني اميل اذا شفتها بعد جلوسها عند اهلها تابت فعلاً وتعدلت وعرفت غلطها انك تسامحها وتبدا صفحه جديده معها
ولكن ضروري اولاً تحس بحجم الغلطه اللي سوتها وانها اقرب للطلاق من المسامحه