هلا اخي الكريم
لا طبعا لا نعمم على الكل
لكن هل جربتها اخونا ابو مريم او زوجت احد بناتك او اخواتك عم طريقها
انا اتكلم عن تجربه وكنت ولازلت مسجله بالموقع
مع هذا ماذكرت تجربتي الخاصه لاختنا حظي حلو وشجعتها تجرب
لكن حذرتها من الاندفاع او تعطي معلوماتها احد او التوقعات العاليه
مهما كان يظل موقع ونسبه الثقه فيه مشكوك فيها
لكن يغفر له ان يوجد مشرفين ويوجد رسوم تطلب من الرجل تبين مدى جديته ويطلب منه بياناته
مره ارسل لي واحد وكان جاد وكانت معلوماته نوعا ما كويسه المهم طلب مني تحقيق شامل ارسل لي حول 100سؤال بدون مبالغه وطلب اجاوب عن كل شي بدقه وفقره متكامله
قلت الرجل جاد جاوبي بدون ماتعطي بياناتك الخاصه اسمك وغيره
اخر شي دخل معصب ليه ماقلتي لي عن ان فيه نسبه اختلاط بعملك وليه ماقلتي عبايتك مدري ايش وليه وليه
وقعد يتحسب ضيعت وقته طيب انت سالت وجاوبتك
رديت عليه انا معبيه سي في كامل لك وانا معلوماتي عنك بسيطه واعتذر مني
بعد فتره دخل علي مضيع يمكن يراسل اكثر من وحده قال انا مو مواطن هل تقبلين ببدون جنسيه
تخيلي هالمعلومه حاجبها عني وهو بغى ياكلني حزتها
قلت لك شكلك نسيت ان كان بينا تواصل وماتفاهمنا وسكت

الجواهر المكنونه ماعاد ينفع لامكنونه ولا حلاوه مغلفه
والله عندي يشوفك واحد بمكان محترم ويعجب فيك بما يرضي الله
ويتقدم لخطبتك اشرف من هالمواقع الي يساومك على مهرك والي يتمنن بالتواصل والي يدرس وضعك
ومره واحد ايضا خمسيني حسيته جدي جدا طلب تواصل ووافقت
كلمني المشرف ان ننتظر يرسل بياناته هو بعد خمس ايام اذا ماارسل نلغي التواصل
وسحب عليهم ولا كلمهم
الله يغنيك اختي عن هالمواقع ويغنيني ويغني كل بنت