السلام عليكم ورحمه الله وبركاته

اولا اشكر الله ثم للغاليه مهره واخواني واخواتي مرتادي هذا القسم بالذات ﻵني اكثر وحده اتوقع كتبت مواضيع هنا وساعدوني الله يسعدهم ويفرجلهم دنيا واخره

ثانيا
انا زوجه ثانيه واحس اني زوجه اولى من الهم الي شايلته بقلبي ﻵني حطيت نفسي مكان الاولى صراحه
سبحان الله الاقدار عجيبه
تزوجت متزوج وكان عندي قناعه انه عادي واريح لي
ومرت سنه وبرضو الوضع عادي
لكن بعدها بدت نار الغيره في قلبي والمقارنات من البنات الي تزوجو بعمري كلهم اخذو عزابيه ومن افضل مايكون هذا الظاهر لي
واتحسر ع نفسي انا استعجلت بهالقرار
وليه انا الي جاني متزوج ووافقت عليه
ليه تسرعت ومافكرت بالتبعيات
مافكرت بنستقبلي ومستقبلىعيالي
مافكرت بزوج لي لوحدي ونبدأ بدايه جحديده ومن حياه تبدأ بالصفر نكون انفسنا ونختار اسماء اولادنا مو رجل عنده اولاد ويسمونه ابو فﻷان
وانا راحت علي صرت ام فلان الي زوجي مستحيل يتسمى باسم ولدي
حتى شهر العسل مايصير لك منه نصيب لان البكر مايحق لها تاخذ شهر زي مايقولوا شهر عسل انما اسبوع ونعمه
كل شي يصير جديد عليك بينما زوجك مجرب كل شي
حتى اذا حملتي ماراح تكون فرحته كأول طفل جاله
غير المقارنات بيننا وخاصه اقاربه يجيو يزورونك عشان يشوفو شكلك وليه اختارك انتي
مجتمع نسائي عقيم

و و و
الكلام يطول
لكن انا من النادمات ع زواجي بمتزوج
واتمنى ترجع الايام وأرفض
لكن قدر الله وماشاء فعل
لعلها خيره لي
رغم انني للأن اعيش بوضع مزري وعجزت أتأقلم وتعبت
لكن بإذن ربي بأنه سيعوضنيىخيرا
ومتفائله بحياه جديده وسعيده
اعتذر ع الاطاله
واشكرك اختي مهره