ايه يانورة دخلت اتثقف منك ومن الاخوات
فهد عدو صار 9 اشهر
كمان 5 ايام ان شاءالله
ونفسي اشوفو بحكي
طبعا بقول
داداددددد
واللغة الغريبة برررررر هررررررر ابففف

واحيانا يقول مممممماماما مممممممماماما
بكون يلعب يصير يقولها

هاي دلع ومالو معنى ولا بقول ماما؟خليني افرح ههه

وعفكرة انا حاملة هم انو الاولاد بتاخرو في كل العادات المتحضرة ههه
يعني حتى زوجي بقلي الاولاد بتاخرو عن البنات في الكلام
و استعمال الاكواب والمعالق والتطور الحضاري
تحسي البنات راقيات بطبعهم بس الاولاد بحبو العصور الاولى من فجر تاريخ الانسان

طيب تخيلي ابني يحب الحرية بشكل مش طبيعي ماشاءالله تبارك الله
المشاية كرهها موت ولو وضعته فيها عا واااااه وسراخ وخوف وقرف وكره مهما عملت ضحك لعب ابدا خلص قلت بالنهاية بلاش امشي لحالك مش ضروري المشاية
العرباية عدوته الاولى

بحس اي شيء يحس انو بينفرض عليه بكرهو

قبل فترة كم شهر كان يموت في عض اللعب والاشياء
لكن حينما احضرت له لهاية ووضعتها امامه حس انو انا وضعتها فلم يتنازل ليعضها
وبقيت فترة احطها في فمه
يتغير ملامح
كانو شيء غريب
اقول طيب يا حببي اعتبرها لعبة من لعبك وعضعض فيها
لاااا بتصرف انو شي غريب الظاهر عشان انا عطيتو اياهها

لو عطيتو بسكوت فارليز للتسنين
بكتئب
بيحب كل شيء من عندو لو انا عطيتو شيء انسي
ههه

لما اقول لزوجي بقلي اسم على مسمى فهد بحب الحركة والحرية وانا قلت كان سميناه هادي
قلي احمدي الله لم نسميه صقر كان شفتيه الان بيطير في ارجاء الشقة ويتعلق في اللمبات
سبحان الله فعلا كل طفل الو شخصية وطباع خاصة وتتاثر احيانا بالاسم فهد بكل معنى الكلمة طالع فهد
حرية حركة استقلال من الان ملاحظاه هههههههههه ماشاءالله تبارك الله
بس كلامي صح انو الاولاد متاخرين في عادات الرقي عن البنات انا بتكلم بشكل جدي
من ناحية مسك المعالق و النظافة و الملابس

الكل بيقلي الاولاد همج بطبيعتهم ههه معقول؟؟؟

معلش تقلت الموضوع بدون فائدة

__________________