اقتباس:
المشاركة الأصلية كتبت بواسطة Vanity
من زمان متابعة موضوعك وتمنيت اتكلم عن مسالة عيالك..
انت تذكر الامومة كانها وظيفة وبتشغلها اي مرة واي شخص اي كان مسماه..
امهم راحت ولا جت.. سواء قديسة كانت ولا بائعة هوى! ماينقص من حقها فيهم شي.. اخوي لاتستخدم صلاحيتك الرجولية بحرمانها واياهم من بعض ابدا! واياك اياك اياك تذكر موضوعك معاها قدام عيالك او حتى زوجتك مستقبلا لانها قد تستخدمه وقت الخلاف معهم!
الامومة غريزة غريييزة..
والغريزة هي اللي تحرك اي تصرف امومي تجاه الطفل
حط ببالك نص اللي بتتقدم لهم بيشرطون عدم تداخلهم بعيالك باي شكل من الاشكال وشرط انهم يكونون عند امهم! مافي شي يحدهم اكيد.. وهذا حقهم.. ولك الحق انت بعد تقبل او لا!
والنص الثاني بتطلب تكون علاقتها بعيالك محدودة بحدود وشروط والى اخره
مرة الابو بتظل مرة ابو ماراح تكون ام!
والشغالة بتظل شغالة مستحيل تصير ام!
شيل من راسك كل الاحتمالات ان اي انثى بالدنيا تشغل مكان الام..
قسم الوقت بطريقة قد ماتقدر انك ماتحسسهم بالحرمان.. ايام الدراسة عندك والويكند والاجازات عندها
ولما يكبرون شوي وتصير اعمارهم 15 و 16 جهز لهم دور بالبيت يكون لهم ودور لزوجتك وعيالها لان الحساسية بينهم وبينها احتمال تكون زادت
الله ييسر لك ويوفقك ويكنب اللي فيه الخير
|
اختي انتي فاهمه غلط انا طرحت الحلول المتوفره عندي بس
اما كلامك حول الامومه الخ لا اختلف معك ولاودي اناقش هالموضوع لاننا ماراح نوصل لنتيجه
اما اني اقول لزوجتي مستقبلا او العيال !!!! ليه وين عقلي الحمدلله والشكر انا رجال الله عطاني عقل ومستحيل اسوي هالشي
فـ عشاني افضفض هنا لاتظنون اني كل شي اتكلم فيه لا بس عشان هنا مااحد يعرفني ولااعرف احد بس