من كم اسبوع كنت انا وزوجي ضاهرين راس براس يعني من دون اولاد 😊😊😊
فجبت اتنين تارت على تفاح
والي بالعادة اذا زوجي عم يسوق بطعميه انا 😄😄
بس هالمرة كنت جوعانة وبلشت اكل وطبعا بهيك حالة بطبق المثل اللي بيقول عند البطون تضيع العقول
المهم خلصت اللي الي وقلتلو بس نوصل بنقعد على مقعد وبتاكلها
المهم وصلنا ونزلنا وشفنا الغنمات من غنمة يعني خروف ههههه
فمجرد ما شافونا نزلوا لعنا فقام زوجي قال ليجرب اذا بياكلوا تارت على تفاح واذا بلشوا اكل وكأنهم بحياتهن مش آكلين
طبعا بحياتهن ما أكلوا تارت
وشوفوا كيف عم تشط ريلتها عالتارت
وخلصت التارت وزوجي عم يطعميهن وطبعا ما داق منها شي ههههههههه
سبحان من قسم الارزاق
المهم انا اكلت والغنمات اكلوا
وصرت قول لزوجي اتعودوا عالتارت اكيد ما رح يحبوا اكلهن من بعد اليوم