منتدى عالم الأسرة والمجتمع - عرض مشاركة واحدة

24-08-2011, 01:20 PM

#10

أوراق ملونة

كبار شخصيات المنتدى

تاريخ التسجيل: Aug 2011

المشاركات: 1,471

هلا عزيزتــــي .. طريــق السلامة يا رب وربي يحفظكم ..

بس ما خبرتيني هل هي سفرة شهر عسل مثلا؟!

أنا يا الغالية رحت لها مع زوجي قبل أقل من شهرين بعد الزواج مباشرة.. هي بلد حلوو وطبيعته أحلى
أجمل ما فيه نسبة كبيرة منه مسلمين .. كنت عادي ألبس العباية ما فيه أي مشكلة ..
حتى خواتنا السعوديات كان كثير منهن يلبسن النقاب وهن مرتاحات ..

الأغراض اللي بتشلينها يعتمد عالمدة اللي بتجلسينها هناك والمناطق اللي بتزورينها ..

شوفي مناطق العاصمة كلالمبور جوها حلو وما فيه أي برودة .. في أمطار يوميا تقريبا بس ما غزيرة ..
إلا منطقة high land هذي بجد مررة حلووة إذا زرتيها حطي فبالك تاخذي ملابس شوي تدفي لأنها بااردة ..
منطقة لنكاوي مرررة حلوة وطبيعتها خضرة حلوة ما فيها عمران وايد مقارنة بالمناطق الثانية بس جوها معتدل مو بارد بس حلو ..
ومنطقة بيننج سكننا بمنتجع بعد حلوة بس جوها أسخن من لنكاوي شوي ..

نصايحي لك .. لا تاخذي أغراض واايد بإمكانك تشتري من هناك الأسواق ما شاء الله بكل مكان .. بس حطي فبالك تشلي نعال الله يكرمك مال الماي(الماء) أغلب الأماكن رطبة وحتى تستمتعي بالرحلة أكثر..
ومثل ما قال الأخ الكريم حاولي تجادلي معهم بالأسعار .. خاصة إذا رحتي السوق الصيني ..

هذا اللي عندي ألحين أي استفسار نحن بالخدمة أختي .. وسفرة ممتعة إن شاء الله ..