روح اللي فهمته انك من مكه ..

كانت عندي شقه في مكه لكنها اجار ادفع فيها سنوي .. انزل فيها احياناً إذا كان عندي شغل أو حبيت أقضي وقت جنب البيت الحرام ..
انقطعت فتره عن مكه ووقتها كنت دافعه الاجار السنوي خلاص

سلمتها لمعتمرين وحجاج ..

والله لا يوريك وش عملوا لي فيها .. أنواع الأوساخ .. شي لا يطاق ..

الحمدلله انها اجار مو ملك .. لما رجعت من سفري اضطريت اغيرها واستأجر وحده جديده نظيفه ..

انتي في حالتك اشوف انك تؤجريها على ناس ثقه .. تشترطي عليهم عدم إلحاق الضرر بأي ممتلكات في الشقه واذا صار ضرر يتم التعويض لك ..

وبالنسبه لكلام الزميلات في العمل
انا ما اشوف انك بتسوي شي فيه عيب مثلاً
انسانه مسافره وتاركه الديره .. من الأفضل تستثمر بيتها بشي يعود عليها بالنفع ويكون سند لها في الغربه

يا روح الحمدلله على كل حال رواتبنا صح زينه
بس في الغربه تحتاجي الريال
تجيك مصاريف ماتدري من وين .. تمر عليك ظروف ماكنتي حاسبه لها حساب

فتخيلي وقتها ماتقدري تستفيدي من راتبك اللي ينزل بالسعوديه .. لأنه يروح اقساط للبنك
فيصير اجار الشقه شي تعتمدي عليه وكأنه جزء من الراتب اللي ينزل لك بالسعوديه ..

مشكلتنا بعد الابتعاث الواحد يرجع حافي منتف من مصاريف الغربه ويرجع يكون نفسه من جديد
حطي في بالك هذي النقطه
واستثمري شقتك وماعليك من كلام زميلاتك في العمل ..

هناك عندكم يحبون يتكلمون حتى لو مافيه مناسبه للكلام 😂
سواليف تطلع من تحت الأرض 😂
جات على شقتك يعني ؟؟!!

__________________

(( لا شيء يجعلنا عظماء سوى ألم عظيم ))