منتدى عالم الأسرة والمجتمع - عرض مشاركة واحدة - سأعود لطليقي بعد زواجه ( أبو حكيم)
عرض مشاركة واحدة
قديم 16-09-2011, 03:41 PM
  #1
حلم وتحقق....
عضو مميز
تاريخ التسجيل: Jun 2010
المشاركات: 946
حلم وتحقق.... غير متصل  
سأعود لطليقي بعد زواجه ( أبو حكيم)

السلام عليكم ورحمـــــــــــــــــة الله وبركاته

رابط موضوعي
http://www.66n.com/forums/showthread.p?t=28090

بداية كنت اتمنى ان موضوعي يتم بشكل سري علشان اقدر اكتب مشكلتي بوضوح تام
بحاول اوضح النقاط المهمة والأشياء اللي سويتها واللي اهم من هذا كله هل يلزمني الاعتذار منه او لاء

بعد الطلاق هو تزوج وبعد زواجه بأشهر..طلب انه يرجعني ورفضت العودة
لما دخل ولدي روض الأطفال..بدت أفكاري تتغير بالتدرج وبدأ الندم يهاجمني..وقررت اني اوافق على الرجوع له اذا كان يبيني..بس هو ما جاء وخطبوني 2 رفضتهم وفي بالي طليقي وبس

في شغلات صارت بين ولدي وابوه حسيت من خلالها ان ابو ولدي مازال شاريني ويبيني
صعب علي اني ابادر..وكنت انتظر مبادرته بشكل مباشر وهو لايحرك ساكنا..!

في لحظة مجنونة أرسلت له مسج واخبرته رغبتي في جمع الشمل لخاطر ولدي
رد علي بمسج أحلى..وان هالخبر اثلج صدره بشكل ما راح اتصوره

خبرني انه راح يفاتح اهله وموافقة ابوه من الأساسيات عنده
اللي صار ان ابوه رفض رجوعي باصرار..(( موقف مو حلو صار بيني وبين ابوه وبس الله يشهد اني كنت فيه جاهله ))
واللي ضايقني اكثر ان قرايبنا عرفوا ان ابو ولدي يبي يرجعني وابوه رافضني..وصار كلام آلمني واوجعني
طرشت لأبو ولدي دعاء وان اللي بينا خلاص انتهى والولد راح يظل بحضانتي ماراح اتركه ابدا
ورد لي رد مو حلو..وانتهينا

بعدها حسيت بحزن وكسر في قلبي والتجأت للدعاء والصلاة
والحمدلله تحسنت نفسيتي وقدرت ارجع شوي لمثل ما كنت
اقنعت نفسي اني مو غلطانه ومايصير اعاقب نفسي على شي ربي كتبه لي وكل شي قسمة ونصيب واشغلت نفسي باكمال دراستي وتربية طفلي ..,,

بعد سنتين تقدم لي رجل..وسبحان الله يوم الخطبة كنت حلمانه برؤيا جميلة فسرتها بخاطب ذو صلاح ودين..وشعرت ان الله استجاب لدعائي وعوضني برجل احسن من طليقي خصوصا ان طفلي يعرفه ويحبه كثير
المشكلة نفسيتي وعدم رغبتي بالرجال إلا ابو ولدي وبس
تحت ضغط اهلي وكلامهم اعلنت موافقتي مبدأيا..كنت ابعرف طليقي اذا وصله خبر خطبتي شنو راح يسوي..؟
طليقي لما ارسل لي مسج..اعلن رغبته بالتقدم لي وراح لأبوي اليوم الثاني يخطبني
وافق على الشروط..

بعد كل هذا هل يجب علي الاعتذااااار..؟؟؟؟؟
اخوي ابو حكيم..اعتذر لك عن الإطالة بس ابي ابدى معاه صح..!
مابي اكون ضعيفة واعتذر له..يمكن كنت اقدر اعتذر اذا هو رجعني من اول مرهـ مو الحين
هو تخلى عني وما تمسك فيني..لييييش لما اعلنت موافقتي للخاطب تحرك حتى قبل لاتكمل 24 ساعة
ليش تركني كل هالمدة..مجروحة ومكسوووورهـ
__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

التعديل الأخير تم بواسطة ذكريات لاتغيب ; 17-09-2011 الساعة 06:00 PM
رد مع اقتباس