منتدى عالم الأسرة والمجتمع - عرض مشاركة واحدة - هناك شعور لايحكى ولا يبكى ولا يكتب..هو يؤلم فقط!
عرض مشاركة واحدة
قديم 29-01-2013, 12:54 PM
  #9
مليت!
عضو مثالي
تاريخ التسجيل: Jul 2011
المشاركات: 228
مليت! غير متصل  
رد : هناك شعور لايحكى ولا يبكى ولا يكتب..هو يؤلم فقط!

أخواتي الحبيبات

الله يرزقكم رضاه والجنة

كثير طبقت إني أقرأ البقرة يوميا للسبب اللي ذكرت ولدحر الشياطين وللراحة النفسية

بصراحة مدري وش أقول...يعني لو خف علي شوي قلت جابت نتيجة بس بلحظات يرجع!

فمدري لو الرقية الشرعية أو قراءة البقرة عطت مفعول أو لا
لأن حياتي في تذبذب مستمر...

أنا أقسم بالله صابرة
ورضيت باللي قسمه لي ربي
هذا رزقي
صح أوقات تتعب نفسيتي
ليش كل هذا يحصل لي
وش الذنب اللي أذنبته

بس أوقات يجيني تبلد
عافت نفسي كل الرجاجيل مع إحترامي

صرت ماعاد أثق فيه ولا أطمئن له
زيه زي أي واحد في الشارع

اطالع فيه أقول وين حبي له راح
وين شفقتي عليه

الحين ما القى راحتي الا بغيابه

كل ماعصب أحب أسمع نقده بشوف وشو الشي اللي غلطت ورفع ضغطه
لقيته كذا مايتقبل شي مني حتى لو صح!

يحب يصغرني ويدقق بعيوبي مدري وش يستفيد!

والمصيبة مقتنع يقول أنتي تحبين تسوين كذا معي عشان تطفشيني من البيت!

قلت وش أستفيد من المشاكل!
إن كانك ماتدري تعبت!
حياتي كذا غير مريحة لي ولا أتمناها لأحد
تراني أبي راحة بال بس

طبعاً وش يزعله!

لمن يقول نظفي الطاولة مثلاً أجي أقول منظفتها!
يعصب يقول قولي إن شاءالله!..لاتراديني!!
طيب بس أعلمه إني نظفت يعني ماقلت جعلك العمى منظفتها!

أمي العفيفة الطاهره الأجودية كلمها مره ينتقدني ويعيب فيني
ماسمع منها الا: الله يهديكم,الله يطامنكم بأسمه..الله يصلح مابينكم

أمي إنسانة طيبة لأبعد حد ومشهورة بهالشي

كلمها وعارف إن فيهاأمراض الدنيا

تعبت صار معها اكرمكم الله استفراغ واسهال من روعتها علي

وش سوى بعد ماكلمها!

قاطعها!

معد كلمها ولا يعترف فيها بعد ماكان شوي ويحب رجلينها ويخدمها بعيونه!

لايعايد عليها ولا أي مناسبة يكلمها!
وحرم علي أمر عليها لأي مشوار تحتاجه!

يقول عني وجه ودر!
كيف بيكون وجهي إذا أنا فاقدة كل عاطفه معه وكل راحة نفسية ومتئهبة لكل نقد!

كيف ماشاف نفسه!
كيف يسقط علي شي موجود فيه!

دايماً جلسته نقد في الشيخ الفلاني والكاتب الفلاني والفساد في البلد
ونقد في مدير عمله وفي فلان وعلان
صراحة اللي يثني عليه زوجي احس أمه داعية له!

وأنا أجاريه وأحياناً أقول أتركهم بحالهم محد كامل والكل له رب يحاسبه وبخاطري أقول علم نفسك!

صدقوني أنا ماعدت مهتمه لرضاه علي لأن رضاه صعب
ولا أجري وراه بس أقوم بواجبي قد ماأقدر

بس صرت أخاف منه أخاف من الطلاق
مو حب فيه بس حفاظ على حياة عشتها عشرين سنة

صار يهدد يالطلاق كثير

صرت مادري وش مبيت النية عليه



احس عايشة بفلم رعب

لو أضمن إني ببقى على ذمته مهما عصب كان أرتحت

بس ماعدت أثق فيه

تغير حيل

صرت ماأثق في أحد بسببه

أحس الناس تتلون ماتبقى على حال
وأنعدم الوفا والإخلاص

ماعاد فيه تقدير للعشرة والمودة

راح زمن الطيبين...
رد مع اقتباس