حبيبتي توووتي انت طبيعية وسبحان الله الناس أذواااق
انا غرامي كل شي فيه اجبان وقشطة والكنافة بالجبن بنعتبرها وقت الفطور الصبح اكلة ملوكية
بس الشي المستحيل حطه بتمي هو كل شي فيه عجين سميك يعني بحب المعجنات كتير بس لازم تكون رقيقة ومقرمشة وهشة والا ما بقدر حاولت جربها بس سبحان الله دغري تلعي نفسي
باستثناء خبز الماكدونالدز ببرغر السمك سبحان الله كيف باكلها ما بعرف
واي نوع تاني خبز لازم انزع كل اللب وبس باكل القشرة المقرمشة
وحتى بلبنان عنا رغيف الخبز بيجي جهة لونها اسمر وجهة ابيض
من انا وصغيرة لحد هلئ بس روح على مطعم واطلب ساندويش بطلب بس يحطولي الجهة السمرا وصاروا اللي بيعرفوني بيعرفوا طلبي
وحتى بالخبز الافرنجي بطلب ينزعولي اللب
واذا كنت انعزم عند رفيقتي كنت اطلب اتحمصلي التوست ليصير مرقمش عالاخر
يعني بالاكل ما بستحي من حدا اللي ما بقدر باكله بقول دغري وبكون صريحة
والقهوة ما بشربها واي حدا بيسالني دغري بقله ما بشرب
وبالنسبة للاصرار بالفعل كنت عند اهلي قبل الزواج نصر عالضيف لياكل من محبتنا الو

بس بعد الزواج وقت جيت على اوروبا اتعلمت انو بس اسأل اول مرة واذا رفض ما لازم كرر لانو هون يا بقولوا ايه يا لاء ما في حل وسط

وهيك صرت اتبع هالشي هون وببلدي
واختي الصغيرة اتعلمت مني
فمرة كنا قاعدين واجت جارتنا قامت ماما قالت لاختي الصغيرة قومي اعملي قهوة ردت جارتنا بلاها شربانة اليوم كتير ما تعذبيها
فهون اختي ضلت قاعدة وقالت لماما ما بدها
فعصبت ماما عليها وقالتلها عيب ووجبي الجارة
فقامت اختي عملت القهوة
وشربت الجارة بدل الفنجان تلات فناجين 😊
فما بعرف بهالحالة اذا ما عملت اختي قهوة رح تقول عنها انها ما قامت بواجبها او رح تقول احترمت رغبتها
فمرات بيحتار الواحد كيف يتعامل مع الضيف لانو البعض بيخجل يطلب فبيرفض اول مرة وبحب انك تصري عليه
وفي اللي بالفعل بيكون ما بده

شكلي عجبني الموضوع وحكيت كتير هههههه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه