اقتباس:
المشاركة الأصلية كتبت بواسطة ملكة الآحساآآس
امس الصباح بعد ماوديت ولدي الحضانة رجعت البيت
ودخل ومعاه بوكية ورد واعتذر قال عازمك نفطر برا وباعوضك عن امس ... كنت مكرهه جدا
بس عشان مايقول شفتي انتي ماتسامحين ولا تبين حياتنا تمشي
وافقت لبست وطلعت
واحنا رايحين نفطر جلس يسولف عن حياتنا وابننا وتكلمنا عن التوحد بصفه عامه
قلت انه طفل التوحد ماينترك لحاله او يلعب لوحده مفروض يدخل ضمن مجموعه او شخص معاه
عصب وجلس يهاوش وش تقصدين انا ماالعب مع ولدي
قلت انا مااقصدت ولدنا بالتحديد
بس بما انك تكلمت من هالزاويه واقحمت نفسك
خلاص عشان خاطرك اي اقصدك
ورفضت نكمل نروح نفطر ... قلت مستحيييل تتغيير انت فعلا تحتاج علاج تحتاج خطوات تصلح نفسك
ولا بتخسرنا
انا انسانه الي عندي مكفيني ماني ناقصتك تضيق صدري
ورحعت اخذت ولدي ورحت اهلي طبعا ماخبرتهم غيرت جو وريحوني اهتموا فيني وفي ولدي
نمت عندهم والصباح وديت ولدي حضانته ورجعت بيتي
والعصر عنده مقابلة تحديد مستوى في مركز مسائي
ارسل لي وانا عند اهلي انه احنا محتاجين سفر وتغيير جو قال اخر شهر ابريل ضبطت حجوزاتنا
زوجي هو هو ماراح يتغيير الا بوجود استشاري
|
زوجك يحتاج نوع من ترتيب الأفكار ومو قادر يتحكم و يسيطر على انفعالاته
يجيبلك بوكية ورد، يحجزلك سفر، يعتذر
هذا يدل على أنه مايبي يخسرك
لكنه مو قادر على التصرف الأمثل للمواقف اللي تواجه، ربما عنده مشكلة معينة.
والغريب إنك ذكرتي أنه أمام الناس شخصيته قوية ورزينة ، في حين أنه معك ينفعل عند أدنى حد ويفسر الكلام على غير وجهه ويشعر أنك تقصدينه.
الله يعينكم ويسهل أموركم ويجمع فيما بينكم بخير