ا
اخي الكريم
احسن الظن بزوجتك ام ابنك
هداها الله
وهداك
حسب ما اتذكر من مواضيعك القديمه
ان هذا طبعها بالتعامل معاك
وما تغير شي يعطيك مبرر لهذا الشك
ليش تظن فيها الظنون
ان بعض الظن اثم
ان كان بسبب كلمتها
فاعتقد انها قالتها بلحظه غباء
واعتذر كثيرا على هالكلمه
لانها كانت تبي تستفزك اكثر واكثر
لا غير
وان كان على الواتس اب والمسلسلات
فاعتقد ان لك دور كبير في هذا
كان لازم من البدايه تحط حد وقانون
لوقت استعمال التلفون وطريقه استعماله
وبالغالب اكثر المتزوجات يهربون من واقع اهمال الزوج لهم
للعيش في حلم وسراب هالمسلسلات
الي كانت سبب في خراب الكثير من البيوت العامرة
انصحك اخي الكريم
لا تفتح باب الشك لان اول من سيخسر هو انت للاسف
وابنك المسكين سيكون الضحيه
مهما كانت نتيجه هذا الشك
لا تترك للشيطان منفذ اليك



وان كان هذا توقعك من رد فعل ابوها واهلها
فاتركها بدون تواصل وخلها تحتار شنو انت ناوي عليه


حسب ما فهمت هي ببيت اهلها وجمعه اخواتها المتزوجات
مووووو
خلها هاي الفترة تشوف اخواتها شلون يتعاملون مع ازواجهم
ومن كل وحدة فيهم ترجع لبيتها مع عيالها وتبقى هي
لوحدها
يمكن يمكن ساعتها بتحس بالنعمه الي هي كانت عايشه فيها

وتحس بغلطتها
يمكن
ربي يهديها ان شاء الله
ربي يصلح حالك ويبدله لاحسن حال