اهلا طيب القلب موضوع حلو يثير الشجون في النفس ههههههه
انا ماولدت غير مرة وحدة وحجاوب بناء عليها وبس اولد كمان كم يوم بعدها بفترة برجعلك

1/ عند عودتك من النفاس من عند اهلك أو كنت في منزلك فترة نفاسك كيف يكون شكل البيت وسخ مرة او زوجك ينظفه لك وطبعا عارفين نظافة الرجال مو قد كذا ؟

مارجعت من عند اهلي لاني مارحتلهم اصلا انا في غربة ولازقة بغراء في بيتي الحمدلله هههه
زوجي كان ماخد اجازة شهر وكنت ازن وراه ينظف احيانا ويرتب
واهم شيء الحمام دايما ايدي فيه من يوم مسكنت الشقة لهيك مابتدهور لدرجة الوساخة الصعبة والصفار كنت احيانا ادخل انظفه سريع سريع وزي هيك
باقي البيت غرف وموكيت واثاث وغبره مقدور عليها



2/هل تعملين ترتيبات معينة قبل ولادتك وتنظيفات عميقة للبيت ام انك تحضرين خادمة تنظفلك ؟

المرة الي فاتت عملت المطبخ اهم شيء بس باقي البيت مافية حيل انظف ابدا ولا بدي اجيب شغالة تسد نفسي وانا حامل
البيت نظيف عموما لكن الشبابيك تكون محتاجة تنظيف بعد مولدت جبت شغالة زبطت الموضوع
والحمل هادا نفس الشيء البيت نظيف الحمدلله وركزت عالمطبخ وعملت نظيف عميق نتج منه شجار مع زوجي لانو شافني انهار من التعب على شي فاضي على رايه بقلي بدك تعملي بحالك مصيبة عشان تنظفي المطبخ ليششششششش ارتاحي ... بس مافي امل عملت الي براسي ونظفته وايدي فيه طول الوقت عشان مايرجع يتوسخ

بعد الولادة ان شاءالله بشهرين انظف باقي البيت براحتي
هوة نظيف لكن قصدي الشبابيك والاشياء الخفية



3/كيف تنظفين منزلك وانتي مازلت تعبانة وسهرانة والنفسية طبعا مو مقصرة تهد الحيل وكيف توفقين بينه وبين الطبخ والعيال والزوج والاهتمام بنفسك ام لاااااابد وحطي تحتها مليون خط ان يكون هناك اهمال في جوانب وتقولين لنفسك صحتي وراحتي اهم والنظافة لااحقين عليها بعد مارتاح شوي ويكبر النونو واصير انام ؟

ايوة بالزبط لاحق عالنظافة هههه في ولادتي الاولى طنشت الموضوع تماما كنت احرص عالمطبخ و الحمام اهم شيء اما باقي البيت خليتوو يخرب ويضرب يقلب لبعد الشهرين لبلشت اعمل حملات عليه يعني قلت بكفيني سهر ورضاعة وقرف فهود ماقصر فية ماشاءالله عملي اعاقة نفسي كان يصحا كتير بالليل ... فقلت هيك هيك قايمة للتعب نامي وارتاحي واتمددي ومسختها وبالاخر قمت بس حسيت اني زهقت بس ماكانت هالراحة يعني تعب واكتئاب عشان الغربة واول مرة ولحالي و فهد كان يصحا كتير زي مقلت وجنني شوي




4/الى اي مدى تغيرت حياتك بعد الولادة اقصد هل اصبحت ملخبطة بشكل كبير وكنت متوقعة هالشئ ولا انصدمتي بالواقع؟

اولها انصدمت بالواقع طبعا ... خربطت حياتي واتازمت نفسيني بدون داعي يعني زوجي كان واقف جمبي ماشاءالله تبارك الله وماقصر معي بس نفسيتي حساسة وخربطة الهرمونات تعدمها للاسف
بس فترة وعدت واتاقلمت وصارت حياتي منظمة وروتين ونظام اهم شي بالنسبة الي النظام اموت من غير تنظيم الامور والمواعيد و بحب الجداول والاوراق والخطط والنقاط ههههه مابعرف اعيش غير هيك عشان ترتاح نفسيتي لهيك انا اي وضع في خربطة او قلة نظام يقلب كياني جدا جدا جدا سواء ولادة او غيره هادا عيب سيء للاسف لكن انا هيك



5/متى ترجعين تستعيدين قواك ونشاطك وتلفين بالبيت مثل ماكنت وموفقة بين الكل ؟

زي مقلتلك مابعرف الولادة هاي كيف حتكون والولادة الاولى زوجي كان مضغوط في الشغل فماكان في ضغط كبير من ناحيته الله يوعدنا ويشتغل تاني والله كريم بس اعتقد بعد الشهرين الي بتكون لسة ماوفقت ورتبت امورها الغلط منها



اتمنى تكون اجاباتي عجبتك وصدقيني انا بحس الوحدة تستغل اي فرصة وتنسدح وترتاح عالاقل اول شهر
بالله ازا غبرت التحف شوي ولا البيت غبرة شوي ضاع المستقبل؟
مع العلم اني موسوسة جدا في الترتيب والنظافة وزوجي مقهور مني
بس فترة اكون تعبانة ومو قادرة بهتم بنفسي اكتر لانو الوالدة لو مااهتمت بنفسها بتتاثر صحتها
فليش تقومي تهلكي حالك بعدين تقعدي هلكانة باوجاع الظهر والهم والصحة المعدومة
ليش يعني؟
طيب اهملي البيت شوي اول شهر وارتاحي قد متقدري وبتلاقي هالراحة لصحتك لباقي ايامك ان شاءالله وبتلاقي امورك وصحتك جيدة لشهور ان شاءالله
مع العلم انا مابكون البيت معفن لهدرجة
بس مثلا عدد مرات التنظيف للغبرة او الكنس بتقل
مثلا بطنش بعض الخربشات
هيك يعني مو انو الحشرات طلعت من الوساخة لا وحتى انو بيتي كان في فترة نفاسي الي فاتت بعرف بيوت لناس غيري بتكون حالة بيوتهم هيك في انظف الحالات ....... ماتفكريني مهملة

الله يقومك بالسلامة وكلنا وكل الحوامل

__________________