السلام عليكم ورحمة الله وبركاته
لي صديق وهو في نفس عمري يعمل ومعتمد على نفسه في اليوم الي كون فيه علاقة مع بنت كانت اول علاقة عاطفية يخوضها في هالمجال .. حب بصدق وقبل مايقوللها كلمة بحبك طلب منها رايها في الزواج لانه راجل متدين ومايحب الحكي الزايد ويحب الطريق السليم فوافقت عليه وراح الراجل لوالد الفتاة وتعرف عليه وقاله انه يريد بنته فلو هو موافق يروح يجيب اهله مشان يتقدمولها رسمي .. تفاجاء برد من والد الفتاة . قاله الموضوع هدا غير قابل للنقاش البنت بعدها صغيرة عمرها بس 18 سنة وقدامها خمس سنوات دراسة وبحكم انه ولي امرها فهو لازم يعلمها مشان تعتمد على نفسها وقال افرض انفصلتو تكون عندها الشهادة سلاح .. فصديقي كان قمة في الادب ومحبش يخوض في نقاش مع رجل كبير في السن اكيد ارائه متمسك بيها ومستحيل اقناعه من قبل شخص صغير في السن مع انه بمقدوره يحكي معاه ويناقشه بس انتم عارفين الرجال الكبار في السن شوية واقفين عند رايهم ولايحبو يسمعو من الشباب ابدا فقاله عندك حق ياعمي الي تشوفه .. فرد عليه والد لافتاة وقال له بعد ماتخلص دراسة لكل حادث حديث ..
هون القضية
1 .. صديقي محتار شو يعمل يستنى البنت خمس سنين لين تخلص دراستها ولا يشوف وحدة تانية وقال لي انه صعب عليه يستنى هده الفترة وكان حابب يقول لابو البنت انا ما ادق الباب مرتين بس ادبه منعه من هدا الحكي قال بالك في نصيب الله بيعلم..
2 .. لو كل اب فكر التفكير هدا كم حصيلة العانسات حتكون
3 .. هل يضر البنت انها تتزوج قبل دراستها ؟
4 .. شنو رايكم اصلح للبنت الزواج قبل اتمام الدراسة ؟ ولا لازم بعد اتمام الدراسة ؟
5 .. شنو رايكم بالبنت لما تروح للجامعة وهي مليئة بالشباب المراهقين الي يمشون مع بعضهم وهي تشوفهم وممكن تفكر تعمل علاقة مع شاب داخل الجامعة ؟
6 .. شنو رايكم من موقف والد الفتاة الي صد الشاب وحجته الوحيدة انه لازم البنت تخلص دراستها ؟ وحطم قلب الشاب الي حب يصون نفسه ويتزوج بالحلال