مبارك عليكم ماتبقى من الشهر وعيد سعيد ان شاء الله
انا مادري منين ابدا كلامي.....انا غلطت غلطة خلت زوجي يتغير علي وايد لدرجة اني حاستة مايبيني وعافني وخلاص ماهميتة حتى صار ينام الحالة ومايكلمني الا اذا يبي حاجة مالقاها في البيت....انا سبق وكتبت لكم اني خايفة ان زوجي يروح مني بسبب غبائي وعدم تقديري للامور......زوجي ريال يخاف الله وايد وعادل معاي حيل ومو مخلي علي قاصر ومحترم معاي وايد وبعمرة ما اساء لي والا لأهلي ولا حتى قالي كلمة ف يوم من الايام تحطم مشاعري.....المشكلة كالاتي

لاني اغار عليه وايد يبست قلبة كل مانروح مكان اركز فيه وين يطالع وشلون نظراتة لدرجة حسيت انه قام يتضايق مني...... ولما ناظر نظرة مريبة مسكتة مع ايدة وقلتله ليش اطالع؟؟ وازعل علية بالسوق واكلمة بنفس ثقيلة ولما رجعنا البيت قلبتها فوق راسة خناقة لين ماطفش مني وطلع.....ولما رجع حطيت له فراشة بالغرفة الثانية وقفلت غرفتي ونمت .....وقعدت من النوم ولقيتة نايم ولا فكر حتى يطق علي الباب او يصحيني عشان افتحلة الغرفة.....احسة يتجنب المشاكل واااايد وكل ماتصير مشكلة بينا يحلها ابروده وكأن ماصارت بينا اي مشكلة وكل مابغيت اشارهة او اوبخة بالكلام يقولي كل بن ادم خطاء...... وكأني ياهل عندة وياخذني على قد عقلي

رحت لبيتنا وبعدين قعدت مع خواتي وامي وشافوا ويهي منعفس وقالولي شفيج بينج وبين ريلج شي ؟؟ قلت لهم بالبداية لا ولما اصرو علي قلتلهم السالفة وقلت لهم ان ريلي يطالع للحريم واهو معاي....وامي عصبت وايد لان ابوي الله يحفظة ماخذ على امي ومتعقدة من هالامور وايد .... ف قالتلي هو يسوي جذي دايما ؟؟ قلت لها اي وانا والله على بالي بس بيكون الموضوع بينا وبيقعدون يهدون فيني ويريحوني

راحت امي حق ابوي وقالتلة الموضوع وابوي بوقتها كان معصب واااايد ف راح اتصل على زوجي وحط الحرة فيه وهاوشة بالتلفون وقالة حنا ماعطيناك بنتنا بالحلال عشان تروح تكسر قلبها بالحرام!! وحطني ابالك زين وقد اعذر من انذر

انا اهنيه حطيت ايدي على قلبي وحسيت اني غلطت وايد بحق ريلي واذا تبون اتهاوشوني كلكم هاوشوني لاني استحق بس والله لاني متضايقة ييتلكم اهنيه عشان تدلوني على حل يحسن علاقتي بريلي والله العظيم ندمانة وايد وايد ولو يبيني اسويلة اي شي انا حاضرة.......واللي كسر ظهري وايد ان ياني اخذني من بيتنا وماتكلم ولا كلمة معاي وقالي على فكرة انتي ظلمتيني و ابوج ظلمني لكن الله يسامحكم.......ومن يومها وهو يحس بالإهانة وإحساسة هذا انقلب على راسي لاصار ياكل معاي ولا يشرب ولا يحب اي شي من ايدي......اييب خدامة امة اتجهزلة حمامة عزكم الله وتسنعلة ملابسة وماصار حتى يكلمني مثل اول ولا حتى ينام بغرفتنا

امانة عليكم حلولي مشكلتي والله اشتقت نرد مثل قبل