منتدى عالم الأسرة والمجتمع - عرض مشاركة واحدة - تنظيم الوقت لزوجي وبيتي
عرض مشاركة واحدة
قديم 12-07-2010, 11:43 AM
  #7
Ms. Blue
عضو مميز
تاريخ التسجيل: Feb 2010
المشاركات: 707
Ms. Blue غير متصل  
.. الله يخلي لك البنوته , وتشوفيها عرووسه قمووره ..

.. تربية الاطفال جدا صعبة , وتحتاج صبر وطول بال ..

.. وطفلتك للحين بيبي , توها عمرها شهرين .. بس من الحين تقدرين تسوين لها برنامج منظم , وتمسني عليه لمده اسبوع , وراح تسوفين كيف هي بعد راح تنتظم , وترتاح ..

.. انا بنتي الكبيره , علمتها النظام من عمرها شهرين , لاني قريت انه الطفل يتم تنظيم وقت نومه من الشهر الثالث ..

.. وفعلا سويت لها نظام لمدة اسبوع , وصرت لما اتأخر عليها جقايق خلاص تبكي , لانها تعودت على النظام ..

.. انتي جيبي ورقه وقلم , واكتبي اي وقت يناسبك تنام البنوته بالليل .. انا كنت انومها الساعه 9

.. وعقب أكتبي الامور الا راح تسويها لها قبل النوم ..

.. مثلا أنا كنت احممها , وانظفها , وارضعها ( كانت ترضع صناعي ) .. واطفي النور , يعني اهيئها للنوم , واغني لها ..بصوت ناعم وخفيف , وأقرأ عليها المعوذتين ..

.. اسبوع واحد بس .. وأنتظمت في النوم .. وصارت لما أتاخر عليها دقايق عن الوقت المحدد للنوم , تبكي وتفرك عينها وتضايق ..

.. وبعد ما تنام .. اجهز رضاعات نظيفه , وماي دافي , وعلبه الحليب , وأحطهم بصينيه صغيرة , واحطهم جنب سرير ..

.. علشان بس تصحى جوعانه , اعمل لها الرضعه واعطيها الرضعه وهي مكانها من غير ما اشيلها , وتشرب وترجع تنام ..

.. احيانا تبكي اشايها اهديها وارجعها سريرها ..

.. واذا كبرت شوي وصار وقت الاكل .. بعد ما تحمميها سوي لها وجبه اطفال وعشيها , خليها تشبع , علشان تثق عيونها وتنام زين ..

.. والصبح .. العبي معها , لانها الحين صارت تتفهم شوي , وتحب تناغيها , وتلعبي معها , وتسولفي معها ..

.. ولما تتعب نيميها , وبسرعه جهزي البيت من تنظيف وترتيب وحذي شور , علشان اذا صحت من نومها , تكوني فاضيه , مو مشغوله ومربوكه بالشغل وبالعنايه فيها .. وكلها كم شهر وتكبر البنوته , وترتاحي شوي شوي ..

..وانا انصحك مثل ما قالت الاخت ( تمسحي بطنها بزيت زيتون دافي شوي ) .. ترتاح مرره وتنام ..

.. والاهم انك ما تعوديها تنام بمكاننن هاااادئ مرره , لانك راح تتعبي , لانه اي صوت راح يصحيها , ويزعجها ..

.. واذا طلعتي معها لاهلك , وحبيت تنيميها ما راح تقدري لانها متعوده على الهدووء التام ..

.. شغلي التلفزيون لها على قرآن او اي شيء بس بصوت خفيف ..

.. اتمنى اني افدتك من تجربتي ..
__________________


.. كــونوا أحــرار في دنيــاكم ..