رد: كاديلاك كروس أوفر
اقتباس:
المشاركة الأصلية كتبت بواسطة Neat Man
أنا معجبني اختيارك، واحس أن السيارة هذي ذوق
وأحب الناس اللي تتفرد بختياراتها، وماتصير مثل البقية لكزس بي ام دبليو مرسيدس
بس عيب السيارات اللي مثل اللي بتشترينها أعتقد أن اسعارها تنزل بسرعة
عموما ربي يبارك لك ويسعدك، بس خلاص مابي تجيبين لي سيارة مثلها، أبي بس أجي وأخذ دورة فيها، أو على الأقل أطنب بالبوري حقها وبراكا على قولت حبايبنا.
|
تدري .. في أمور السبارات والأجهزة والتقنية أحب آخذ السلعة المجرّبة وعليها إقبال جيد .. أرتاح وثقتي فيها تزداد.
لكن سبحان الله لما قررت أغير سيارتي السابقة شفت خيارات مختلفة ما بين المرسيدس واللكزس والتويوتا والانفينيتي والشيفروليه .. لكن في النهاية طحت على الطوارق رغم إنها ما كانت ضمن خياراتي ولا عمرها خطرت على بالي .. وأساساً كنت ناسية إن في شي اسمه فولكس واجن لأني أبداً ما كنت أشوفها في الشارع. (في السنتين الأخيرتين صرت ألاحظها أكثر في الشوارع)
في الحقيقة كانت مغامرة .. لكنها دخلت قلبي لما رحت وشفتها في الوكالة .. وسمعت كلام زوجي لأنه استحسنها ومدحها لي باعتبارها سيارة قوية .. ورغم أنها كانت خيار موفق ولله الحمد .. لكن لازلت مترددة أغامر بطراز جديد علي تماما.
على كل حال .. بآخذ تنبيهك بخصوص انخفاض السعر بعين الاعتبار.
الله ييسر لي أمري وأوصل لقرار نهائي .. ولك يا سيدي لفتين مب لفة وحدة. 
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 14-02-2017 الساعة 09:37 PM