السلام عليكم ورحمة الله وبركاته ,,,
بدخل في الموضوع على طول
تعرفت على فتاة عن طريق موقع للزواج ( مراح أقول أسم الموقع ) اتركوا اللقافة عنكم , انا عمري 36 ولم يسبق لي الزواج وهي عمرها 26 سنة , بالبداية وقبل ما أشوف صورتها تكلمنا مع بعض ونوعاً ما ارتحنا لبعض في أشياء كثيرة مشتركة بينا نفس البرج وخريجين مدارس تحفيظ القرآن وعجبني فيها انها بنت سنعة تشتغل بالبيت وتنظف وتطبخ من خلال كلامها لي طبعاً في أشياء خلتني أتردد أو أقطع الأتصال من بدايتها وبقولها وحده وحده :
1- كانت مخطوبة وسوت خلع وهي كان عمرها 18 سنة , زعلت عليها ليه ماقالت لي من البداية ورسلت رساله مطوله تكتب فيه الاسباب وتحلف انو ماجات الفرصة عشان تخبرني بهذا الموضوع , وسبب الرئيسي عشان الخُلع انه كان يدخن وما خبرهم .
2- انو امها مطلقة برضوا ماخبرتني الا بعدين وعايشه مع مرت أبوها وتسميها امي هي واخوانها .
3- انها ماتكلم أمها لها خمس سنوات تقريبا , وهنا قررت فعليا اني اتركها , استشرت وحده من خواتي قالت لي لاتتدخل في موضوع مالك دخل فيه البيوت اسرار وما تدري ايش الظروف الي خلتها تسوي كذا , اسباب كثيرة يوم تكلمت معها بهذا الموضوع بس ابرز سبب أنها وهي صغيرة مع أخواتها انه امها قالت لابوها بعد الطلاق والله لأرمي عيالك في الشارع عند الكلاب وهذي الكلمة أثرت فيها كثير , السبب الثاني انو كانت مسويه عملية وهي كبيرة طبعا كان عمرها 21 سنه تقريبا وجات أمها بأخر يوم من العمليه وريحة العطر منتشره بالمستشفى وتقول كانها جايه زواج مو بنتها مسويه عمليه ومتكشخه عشان تقهر أبوها , وتقولي انها طردتها من الغرفة و الحلى الي جابته وزعته على الممرضات بالمستشفى , أنا هنا انصدمت وسكت بصراحة ماعلقت .
4- قالت لي معها فقر دم
5- ماكنت أتوقع ولا 1% انو ارتبط بوحده تابع كورة وتشجع الهلال بعد وتابع الدوري الاوروبي بعد
6- كنت أبغى بصراحة أتزوج وحده أصغر من 26 احس انها كبيرة شوي
7- كانت تقول كلمات في مجتمع الرجال نضحك ونحولها جنسيا مثل كبير , دخل ومدري ايش وكانت نيتي طيبة انا معها بس بعدين فهمت منها انها تقصد هذي الكلمات عن طريق الضحك بالعمل مع البنات و اعترفت لي أنها تمارس العادة السرية قبل بس وقفتها من قبل سنة تقريبا .
بعض الاحيان أتردد وبعد ماشفت صورتها تقبلنا بعض ومن تعرفت عليها تقريبا لي الآن 15 يوم كل يوم أشوف اسمها في الطريق او التلقزيون او كتاب ...الخ أقول ممكن رساله من الله انها تناسبني ومممكن أقول انها تحذير
أحب أسمع رايكم والمعذرة على الاطاله