رد: مشورتكم في هذا الخاطب
اقتباس:
المشاركة الأصلية كتبت بواسطة خيال الهوى
استعيني بالله وتوكلي و كلمي خطابات
ومثل ماقال العضو اللي قبلي
حتى لو همها الفلوس مالك دخل أهم شي تشتغل صح !
هل فيه أحد في هذي الدنيا ماتهمه الفلوس ؟!
أصلا لو جاتك خطابة تقولك ماهمها الفلوس تخافي منها!
تدري ليش؟!
لأنها بتخبي شي ووراها شي، الغالب يهمه الفلوس لأنه يعتبر
مصدر دخلها وشغلها ! وهيا ماتعرفك حتى تقدملك خدمة لوجه الله ولاحبًا فيكِ.
و كمان فيه شي جدًا مهم
قوي ثقتك بنفسك و قوي شخصيتك هذي الفترة
لاتقولي العمر راح وكيف أربي طفل بهذا العمر ووو ومن هذا الكلام !!!
بالعكس قولي في نفسك ياحظه اللي ياخذني واعية وناضجة وفاهمة الحياة
وامدحي نفسك بينك وبين نفسك، والله مافيه شي يهد النفسية و الشخصية أو يبنيها
زي الكلام اللي نقوله بيننا وبين نفسنا،، كلام الناس مرة مو مهم مثل ماكلامنا لنفسنا
مهم جدًا فوق ماتتصوري !
ماراح أذكرلك قصص تثير في نفسك الحماس و تشعل فتيل الأمل
لكن بقولك ربي و ربك اللي بتدعيه من 10 سنوات هل يعجزه يستجيب لكِ ؟!
أكيد فيه حكمة أكيد فيه لطف في الموضوع !
أعطاكِ نعم بدون ماتدعيه! كيف يحرمك نعمة و إنتِ تلحي بالدعاء سنوات!!!
أرجع أقول أكيد لحكمة .. ثقي بحكمة الله و ركزي على النعم اللي تملكيها
ركزي على ايجابيات حياتك ركزي على الامور اللي تحسسك إنك بخير !
الله يرزقك مرادك و الله ينور بصيرتك ويصب عليكِ الخير صبًا ..
|
والله ما همتني الفلوس
انا اصرف على ملابسي وشنطي وعباياتي
اضعاف اللي بتطلبه
جت عند العريس ببخل؟!😂
المهم تجيب ناس تسوى
ما تجيبلي حقين المسيار وطقتهم
اما تقوية نفسي
فأحيانا اغلبها بالأمل واحيانا تغلبني باليأس!
امين لكل دعواتك
ولك مثلها واضعاف ان شاء الله
__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )