أهلين أخوي جنتل
مع إني أرفض مبدأ التجسس بين الزوجين ولا أحبذ إن الزوجة تتبع عورات زوجها والعكس
لكن اللي حصل حصل خلاص .. إنت عرفت بطريقتك إنها تسب أهلك وهذا الشي زعلك
وعلى حد قولك هو الإشكال اللي الآن حاصل .. وهي النقطه اللي تبي فيها المشورة
مافي حل عملي 100٪ للي صار "damage done" زي ما يقولون
عشان كذا بكل بساطه تكلم معها وافهم منها وشهو السبب اللي خلاها تسب أهلك ؟
وفهمها إن هذا اسلوب غير مقبول حتى لو كانوا غلطانين في حقها مو من حقها تسبهم
قدام أمها وأختها !! وفهمها إنها كذا قاعده تخسرك وتخسر حياتها الزوجية معاك ...
وقلها بعطيك فرصة أخيرة تحافظين فيها على حياتك وبيتك ...
وخلاص أخوي جنتل حاول تتحملها وسامحها .. صدقني بالتسامح والطيب كل أمورك بتمشي
وربي بيسخر لك وبيوفقك لأن نيتك طيبة وتسامحت واحتسبت الأجر عند ربي.
وبعدين بكل صدق اخوي جنتل .. لو انت فعلا تحب زوجتك وشاريها وفعلا ودك تكمل
حياتك معها افصلها عن اهلك تماما .. على الأقل الفتره الجايه لين تستقر أموركم
مو لازم تزورهم أو يزورونها ولا يكون بينهم تواصل مباشر .. اذا رحت انت تزور اهلك بلغهم
سلامها واذا رجعت من عندهم بلغها سلامهم لين تهدا النفوس شوي ...
ومشاكلك مع زوجتك لا تخليها تتعدا حدود باب بيتكم .. لين قفلت الباب وراك اترك
مشاكلك وراه أيضا ...
هذا رأيي
و تحياتي لك وموفق إن شاءالله،،،