انا ما احب ان الزوجة تعمل كلشي عشان زوجها وتستميت لثير اعجابه من ناحية الشكل .. لا والقهر بعض الرجال لو ايش ما سوت لهم الزوجة مايعجبهم .. والبعض يعجبهم بس مايعلقون ..
المرأة لها كيان ولها راي وشخصية مستقلة بذاتها .. وهي ايضا لازم بعض الاحيان تعمل اللي هي تحبه وهي ترغب فيه .. مش شرط كل صبغاتها على ذوق الزوج .. وكل قصات شعرها عشانه .. وكل ملابسها على ذوقه ..
ذكرتيني مرة سافرت الكويت وكنت في السوق اشتري ملابس .. وكلما عجبني فستان او بدلة ماعجبت زوجي .. وانا مادري ليش ذاك اليوم كنت حمل وديع وما اصريت اخذها .. البدلات اللي تعجبه ماكانت تعجبني نهائيا وايضا ما اخذتها .. مشكلة انا وزوجي اذواقنا واحد شرق وواحد غرب .. في النهاية لما رجعت الديرة راحت السكرة وجات الفكرة ندمت اني ما اخذتهم .. طيب هو ماحبها .. بلبسها في مناسبات كثيرة مش شرط البسها قدامه .. وزعلت على نفسي انه يشوفني ماسكة الفستان وحابته كثير وعاجبني وخلاني امشي وانا مكسورة الخاطر .. طيب قول لي اخذيه اذا عاجبك .. حسينه انتصر لنفسه انه جبرني على رايه .. وانا عادة اكره اني اتبع الزوج في امور تخصني بشكل اساسي ..