منتدى عالم الأسرة والمجتمع - عرض مشاركة واحدة - ملكتي بعد اسبوعين ..وأريد مساعدتكم في التغيير للأفضل.
عرض مشاركة واحدة
قديم 29-11-2007, 05:57 PM
  #4
ملَك شادي
عضو متألق
تاريخ التسجيل: May 2006
المشاركات: 6,393
ملَك شادي غير متصل  
اهلا حبيبتي يااحلا عروس ولايهمك راح احاول اساعدك بقدر المستطاع

:::

حبيبتي حاليا لاتعملي صبغة ولااي شي لانو راح تحطم شعرك بزيادة
الشعر التالف والمتقصف حلو الوحيد القص للاسف هادا الحل الوحيد
مابعرف كيف ممكن شعرك يقصر اكتر
لكن لازم ينقص عالاقل الاجزاء التالفة
فيه قصات قصيرة حلوة حاولي تعمليها
وبعد هيك لازم تصيري اسبوعيا تعملي حمام زيت خلطات زيوت كتيرة يعني من عند عطار معتمد وموثوق
وخاصة لشعرك جوز الهند والصبار وكل انواع الزيوت الي متوافرة لك والزيتون ايضا وفيه خلطات جاهزة متل سن سيلك حلوة

وبعد الغسيل بالشامبو تحطي بلسم وطبعا يكون شامبو وبلسم للشعر الجاف او العادي حسب شدة جفاف شعرك
اما الشامبوهات المناسبة للشعر المصبوغ فلوريال عندها شامبو وبلسم حلوين كتير حسب مسمعت من الي جربو
اما لو بدك لشعرك الطبيعي بدون صبغة مستقبلا لوريال ايضا عندها شامبو وبلسم للشعر الكيرلي حلوين
وكل مجموعتهم حلوة عندهم للجاف و المتقصف كمان اظن
وهيربل اسينسسزز شامبوهاتهم و بلسمهم كتير حلو

لكن انت حاليا شعرك مش كامل مصبوغ صح ومش مهتمة للصبغة وناوية تغيريها
لهيك ازا قصيتيه وماعاد فيه صبغة لاتستعملي طبعا شامبو الشعر المصبوغ
...


هذا بالنسبة للشعر


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



اختي اول شي


قاعدة عامة:::اهم شي لجمال البشرة كلها وبشرة العيون ايضا
النوم المنتظم والاستيقاظ بموعد محدد
والتغذية الكاملة السليمة
واكثري من الخضر والفاكهة والماء والعصائر الطاااازجة من صنع البيت

ايضا تميري ثلجة على الوجه وغسل الوجه دوما بالماء البارد او الفاتر وابدا لاتغسلي بالساخن
يضيق المسامات ويحلي البشرة ويخليها موردة
...

هالشي بداية عامة لكل شي وحتى لشعرك
بالنسبة للحبوب ::: روحي لاخصائي جلد دكتور موثوق فيه ويشوفلك سببهم
هرموني
او من الطعام او الجو او .......اي شي
وممكن يعطيكي علاج
مع ملاحظة خففي من الدهون جدا جدا جدا
اوكي لما تطلعلك حبة لاتلعبي فيها ابدا
الليمون جميل جدا للبشرة يفحتها ويصفيها لكن بدو طولة بال اضافة انو البشرة لو حساسة مابنفع ابدا
لانو قابض للمسام وممكن يلهب لو البشرة جافة جدا
فانت اعملي اختبار عمنطقة من وشك بسيطة حطي قطرة ليمون وامسحيها وخلي هالشي عجنب وشك عشان لو تحسستي مايأثر كتير
ازا ماتحسستي استعمليه يوميا تمسحي عصير الليمون عكل وشك وبعد ربع ساعة تغسلي
اوكي...


انا بشرتي جافة نوعا ما لكن استعمل الليمون وماجرى شي لكن بينشف لكن لانو برطب بعدها فمابحصل شي
فانت ديري بالك ازا تحسستي اتركيه فورا
بالنسبة لبقع والاثار و الزيوان في الانف اي الرؤوس السوداء
بعد متعالجي مشكلة الحبوب بشكل جذري
روحي اخصائية تجميل وليس كوافيرة لا مركز تجميل معتمد
وخليها تفحص بشرتك
وتشوف شو الاجراء المناسب
ممكن
تعمل تنظيف بشرة
هية ادرى بخطواته
بعدين في تقشير كريستالي
هذا وظيفته بيشيل الطبقة الخارجية من البشرة والحفر الي في البشرة والنتوءات كلها بتتساوى
يعني تقولي برد للبشرة بدون اي مواد كيماوية
او في انواع اخرى من التقشيرات حسب نوع بشرتك وحساسيتها هالشي الخبيرة راح تحددو
لكن اوعي تروحي عوحدة اي كلام
روحي عمركز كبير وفخم
معلش لو غالي بس بتضمني مايخرب وشك

والهالات السودة بتقدري كل يوم تحطي ماسك خيار على كل وشك لانو حلو وعلى عيونك كمان
وانا جربت كريم لوريال للعيون الي بيجيو عنو دعاية كتير حلو وبحمي من خطوط العين و بينعمها كمان

بالنسبة للاسنان الله يسامحك ويهديكي حد بهمل نظافة اسنانه؟
اختي بكرة بتتجوزي والرجل بيحب يشم الروائح الحلوة من الست
ولاكون صريحة اكتر
بكرة العلاقة الخاصة لازم الواحد يكون في اوج نظافته
كيف متخيلة زوجك يقبلك وريحة تمك هيك
راح ينفر منك ويقرف وراح يبان عليه
وبتيجي تكتبي مشكلة بالمنتدى انو زوجي ينفر من العلاقة الخاصة
!!!

اختي ديننا امر بالنظافة
بعدين اهتمي باسنانك قبل ميضيعو وتصيري بمشاكل كبيرة
بعدين يااختي بكرة بتكبري شوي بتركبي طقم
معقول؟!!!انت شابة ولسة زغيرة 18 سنة !!!

روحي للدكتور ليعالج كل التسوس و الجير والبلاك
وخليه يعلمك طريقة الغسل الصحيحة للفم
اوكي
وانا متاكدة عندك التهاب لثة مزمن
خليه يعالجه لانو ممكن يكون سبب الريحة الكريهة
واستعملي الفرشاة والمعجون مش اقل من مرتين اختي مصيبة تهملي حالك هيك
واستعملي غسول
الريحة ازا استمرت معناته اما انك مابتاكلي كتير فابخرة المعدة بتصعد للفم
ازا الانسان هتم بالاسنان كتير

لكن مابياكل ولو يوم واحد
ففي هذا اليوم راح تطلع ريحة للتم
حتى لو غسل اسنانو

لانو للمعدة ابخرة ازا مافي طعام بتصعد للفم
او المشكلة بتكون عندك مشكلة في الهضم او الامعاء او المعدة وراجعي دكتور متخصص



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
اكمل لك في وقت اخر تعبت من الكتابة

الله يسعدك ويفرحك يارب
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت


التعديل الأخير تم بواسطة نظرة أمل ; 01-12-2007 الساعة 01:32 PM