السلام عليكم ورحمة الله وبركاته
بجد بجد أنا مبسوطة جدا للتفاعل الجميل والنشاط الرائع اللى لاقياه فى الصفحة
يالله شدوا الهمة وان شاء الله كلنا على الصيف نخس ونبقى احلى رشيقات
أم جمانه حبيبتى مشكوره على الرد الجميل زى صاحبته وبرافو عليكى الهمة والإراده دى معنى انك ما تضعفيش قدام الحلويات وفى مناسبه زى دى مليانة بكلما لذ وطابانك فعلا عندك ارادة قوية وهتوصلى لهدفك باذن الله يالله استمرى واحنا كلنا معاكى وربنا يوفقك يارب.
حبيبتى الغربه مره بصراحة ردك على أختنا love of live عجبنى جدا وفكرنى بنصائح الغاليه مشاعر مرهفة وكمان ارادتك وعزيمتك ماشاء الله بصراحة كلامك بيشجعنى اكثر واكثر على الاستمرار
حبيبتى love of life الف حمدا لله على سلامتك . شفتى بقى الرجيم الغلط بيعمل ايه . عموما مش هنتكلم فى اللى فات بس صدقينى من أول ما تجربى رجيم السعرات مش هتحسى ولا بتعب ولا بدوخة ولا بأى حاجة كأنك مش عامله رجيم ولا حتى بجوع وخصوصا لو شربتى ثلاث كاسات ماء مضافا له ملعقة خل تفاح قبل كل وجبه فلن تشعرى بالجوع ابدا وربنا يوفقك يارب.
أختى باريسامشكوره على الموقع المفيد وعلى فكره هو فى مفضلتى من أول ما بدأت الرجيم وهو فعلا مفيد . ربنا معاكى وشدى الهمة وان شاء الله توصلى لهدفك قريب
أختى نورا ان شاء الله تخسى على خير وزى ما اتفقنا اهتمى بشرب الماء كثيرا
أختى أم لؤى فينك يارب تكونى بخير سمعينا آخر أخبار الرجيم معاكى.
أما عنى فالفطار اليوم كان ثلاث ملاعق فول وقطعت عليهم شريجة طماطم وفلفلأخضر وبصل أخضر مع نصف رغيف عيش بر وشاى محلى بملعقة عسل ابيض السعرات 130
الغداء سمكة مشوية متوسطة الحجم وثلاث ملاعق ارز وسلطة خضراء السعرات 206
العشاء نصف علبة زبادى ونصف ثمرة تفاح ونصف ثمرة برتقال وربع موزة السعرات125
المجموع الكلى 461 سعرة
الرياضة مشى سريع ساعة
ايروبكس ساعة