السلام عليكم ورحمة الله وبركاته
اختي الدكتورة بنت النيل
انا حامل وهذا اول حمل لي وابغي استخدم اي وسيلة لمنع الحمل بعد الولادة مباشرةً
فكرت بالحبوب او بالابر (( لان الطرق الطبيعية صعبة شوي ومب مضمونه))
لكن زوجي وامي ينصحوني باللولب <<<< رغم ان زوجي مايعرف عنه شي وامي قالت لي حتى لو بتعانين بس اضمن!!!!
وانا بصراحة وايد متخوفة منه خاصه في مسألة النزيف والافرازات وكل المشاكل الثانيه
وغير كذا انا ناوية اسوي رياضة بعد الولادة عشان اشد جسمي واعدله من آثار الولادة لان وزني زاد كثير!!!
سؤالي >>>>> هل الابر افضل في هالحاله؟ او الحبوب ؟
واذا ركبت لولب... هل عادي اني امارس الرياضه؟؟
لاني بصراحة حاطة اللولب حل أخير اذا مالقيت بديل مناسب واسهل !!
(( للعلم ... انا من الحين اعاني من افرازات مهبلية وقالت لي الدكتورة انها مرتبطة بالحمل!!!! وغير كذا انا اصلا اعاني من آلام فظيعة أثناء الدورة ))
واعذريني عالاطالة