رد: تجاربكم في تنحيف البطن و الفخوذ بدون ترهل
اختي بفيدك من تجربتي وان شاء الله تستفيدتي وتساعدك المعلومات اللي عندي لكن لازم تطبقينها كلها عشان تشوفين النتيجة بإذن الله .. انا صار لي زيادة بالوزن من فترة وكنت اتبع نظام رجيم وأكل صحي ورياضة عشان تشوفين النتيجة بأسرع وقت ممكن 👍
اول شي لازم تعرفي ان البطن عبارة عن 80٪ أكل ! .. اذا رتبتي أكلك يتغير بطنك .. خلي أكلك صحي ونظيف وقاطعي المشروبات الغازية هي سبب بروز الكرش وصدقيني عن تجربة ! بطني برز بشكل غريب وكأنه منتفخ من هوا والسبب اني طفيت بالمشروبات الغازية فترة ويوم قطعتها خف بطني ولله الحمد .. وخلي أكلك يحتوي على بروتين اكثر من الكاربوهيدرات ( عشان نتيجة أسرع ويخف بطنك ) مثلا كولي خبز وكذا وقت الفطور بس تغدي دجاج مشوي او لحم اذا تقدرين ( انا ما أكل اللحم ) وفطورك خليه بيض او تونه يعني أكلك كله غيريه والليل لا تأكلين شي عودي من نفسك انك ما تتعشين او تعشي بدري وكلي خفيف مثلا سلطة يعني حاولي تنامين بطنك فاضي مرره .. بتسأليني ليش ؟ انا بقولك .. الجسم وانتي نايمة يحرق دهون اللي في جسمك فا تخيلي لو انك نايمة بعد ما تعشيتي هذيك الوجبة الدسمة جسمك بدل ما يحرق الدهون فكامل الجسم بيجلس يحرق ويهضم الوجبة اللي انتي أكلتيها ومع الوقت تتجمع الدهون ويصير عندك كرش !
لو حسيتي انك جعتي كولي زبادي على فكره الزبادي غير انه خفيف له دور في تخفيف الكرش 👍
ومع ممارسة رياضة شوي لا ترهقين نفسك واجد سوي 3 تمارين نوعي فيهم مثلا لمده 15 دقيقة مناسب واهم حاجة الرياضة يوم ورى يوم عشان العضلات ما تتعب . . وخلي بالك طوييل لان مراح يتغير كل شي فيوم وليلة لازم صبر .. واتمني اني أفدتك وإذا عندك اي استفسار زيادة انا بالخدمة ومعليش طولتها بالفلسفة ههههههه 🏃
ملكة غاليها ما فهمت ايش اللي تقصدينه لكن حسب علمي ان التعرض ل الغثيان اثناء ممارسة الرياضة او بعدها لعدة أسباب هي : أكل وجبة دسمة قبل ممارسة الرياضة او تناولها قبل الرياضة مباشرة او وقت قصير والأفضل ممارسة الرياضة بعد الأكل بساعتين او ساعه ونص ع الأقل ،، او أنك تجهدي جسمك فوق طاقته بالرياضة !
أتمنى اني أفدتك ❤️
التعديل الأخير تم بواسطة غزالتك ; 21-05-2015 الساعة 03:57 AM