أفكار هدايا الخطوبة كثيرة ..

عندي قاعدة أمشي عليها ودائما أقولها .. أهدها الشي اللي تحبه وما تتوقعه .. لأن القاعدة هذي تجيب الهدية اللي ترغب فيها الزوجة وتتفاجأ من وجودها في نفس الوقت

إليك بعض الأفكار الغير مرتبة .. أنت ممكن ترتبها أو تخار البعض وتترك الباقي ..

طبعا فيه أشياء معروفة مثل (عطر ، خاتم ، جوال ، لابتوب ، وووو ) وما راح أتطرق لها لأنها معروفة والكل يسويها

ممكن تشتري ذاكرة جوال .. وتحط فيها مجموعة من صورك الشخصية .. ومجموعة صور حلوة .. وملفات نصية تحط فيها قصص أو مقالات حلوة للمخطوبين .. وممكن تسوي فيها تصاميم بالكومبيوتر من عملك الخاص .. ممكن تسوي لها ثيم جوال تحط فيه اسمك واسمها .. أو خلفية جوال .. او مقاطع صوت أناشيد وقرآن مثلا .. ووو

الهدية الثقافية .. مصحف مع بعض الكتب الجميلة .. مثل (الرجال من المريخ والنساء من الزهرة ، ليلة العمر ، المرأة البحر والرجل المحيط ... ) شريط اجتماعي .. تغلف بطريقة جميلة ..

باقة الورد .. وهذي من الأهم الأشياء .. حاول تهديها زوجتك بشكل متكرر .. وبصور مختلفة .. لأن الورد له طابع خاص عند النساء

إذا كانت بحاجة للإنترنت ولا عندها في البيت ممكن تشتري لها اشتراك كونيكت .. موبايلي أو جوال

لعبة جماعية .. تلعبها معها في أحد زياراتك .. وبعد كذا هي تلعبها مع أهلها أثناء فترة الخطوبة .. حتى أهلها بيفرحون

وهكذا .. عليك فقط بالتفكير العميق .. وراح تحصل أفكار حلوة

بارك الله لكما وبارك عليكما وجمع بينكما في خير