صراحة انت ما غلطت بشي ، وانت حرة ما بدك تروحي عندها لا تروحي، بس كمان اختي زوجك حر يروح لعند اخته وانت ممكن تبقي لحالك في بيتك ، ونصيحة ما تروحي لبيت اهلك ما تعلميه لزوجك هالعادة وانت المفروض ما تجيبي موضوع بيت اهلك ، ممكن تقضون معها اليوم كله وآخر اليوم ترجعوا لبيتكم اذا ما بده يرجع هو حر قولي له أنا ما أنام غير في بيتي ، وهيك بعد فترة ببلش يقلدك وما يتركك لوحدك

يمكن رأيي مختلف بس أنا مع حرية الرأي ونحن في سوريا عم نحارب لأجل حريتنا في اختيار مصيرنا ، لذلك انت حرة بعدم مكوثك ببيت اخته وهو حر بمكوثه معها ، بس خدي الموضوع بروح رياضية وطنشي بتريحي راسك وبالك

وصالحي زوجك نصيحة مني لا تطولي زعلك منه، بالنكد لا تحل الامور ، لكن بالكلمة الحلوة والمسايرة تحلي كل امورك وتنفذي مرادك

اذا انتم من هلا عرسان مخاصمين بعض وما عم تحكوا مع بعض شو رح تعملوا بعد عشر سنين ؟؟؟

ارضي زوجك وقولي له سامحني أنا احبك واحب من تحبه ، لكن أنا لا احب أغادر عش السعادة والهنا بيت زوجي لأي مكان ولو بيت اهلي ، فاسمح لي أنا رح أبقى في البيت وانت براحتك لو حبيت تروحي لأختك روح والله يعيني على تحمل فراقك ، وممكن تكتبي له رسالة حب وتضعيها في ملابسه ،

بس أنا لو كنت مكانك كنت لحقت زوجي ، خصوصا وان اخته لحالها وما في حد غريب تتحجبي منه ، بس بالأخير انت حرة ونامي على الطرف اللي يريحك