موضوع جميل 🌺
الله يجزاك خير
كنت اعتقد ان احنا فقط اللي نفرزن
احنا طبعا نفرزن اللحوم بأكملها
والخضار تقريبا جميعها تتقطع او تنفرم
الباذنجان بعد ماقليها افرزنها
السمبوسه تتفرزن 10 ايام وبعدها اعمل جديد
الفطاير ايضا ويصير طعمها الذ من الجديد
والمقالي ايضا

واطحن كمية بسكوت للحلى
واطحن السكر
السينبون اخلط المقادير في علبة مثل قرفه ونسكويك وسكر بني
عشان تكون جاهزه
واخيرا الحشوات مثل حشوة البيتزا اعملها وافرزنها
والمحاشي بأنواعها
انا اضطر افرزن كميه بسبب ان اصدقاء زوجي وأحيانا اخوانه يفطرون عندنا
هذي في كل سنه اعملها
بس طبعا لازم يبرد كل اللي تسويه قبل ماتفرزنيه
وتكون العلب مسكره بإحكام
ان شاء الله هذا الرمضان يكون مثل كل سنه
اللهم بلغنا واياكم
ويعيننا على صيامه وقيامه

موضوعك اسعدني جدا 💙