المشاركة الأصلية كتبت بواسطة mimomea

اهلين حبيبتي مبتعثة القيادة متل الطفل اول ما بيمشي بيتعثر كتير وبيرجع بحاول من اول وجديد وبالاخر بيوصل لمرحلة بيصير يركض
وواثق من نفسه

ولاعطيكي مثال صديقتي من كم سنة اتعلمت القيادة عند مدربة وعملت دفتر السواقة وصارت تسوق باماكن قريبة من بيتها
ودايما تخبرني انو الخوف دايما مسيطر عليها ومستحيل تبعد عن المنطقة اللي معودة عليها
و وقت نزلت على لبنان السنة الماضية ما قبلت اطلع معها انا واختي لانو بتخاف وما بتتحمل مسؤولية
مع انو شجعتها نطلع معها بس ما رضيت
فرجع زوجي اخدنا على مشوارنا وهيي تركت سيارتها حد اهلي
المرة التانية اصريت اطلع معها ورحنا لعند اختي
من فترة اتشجعت وصارت تبعد لصارت تسوق على الاوتستراد الى مدينة تانية وصار عندها ثقة اكبر من قبل
يعني اذا كنت بتسمعيها ما كنت بتتخيلي انها رح تسوق عالاوتستراد مطرح الزحمة والخط السريع

واهم شي ركزي وقت بدك تدعسي فريم
لانو من كم سنة كنت عم سوق بلبنان وخاصة كان صايرلي متعلمة السواقة اكثر من 15 سنة ووقت قربنا على بيت اهلي وبدي صف السيارة قلي زوجي ليش ما عم توقف السيارة وانا كل فكري اني داعسة فريم فكنت داعسة بنزين مجرد ما شديت اندفعت السيارة بقوية ومن لطف الله فتت بأسطل وما كان حدا قدامي
ومن وقتها صرت حريصة اتأكد وين داعسة
وخاصة كنت عم سوق اوتوماتيك واول ما اتعلمت اتعلمت عالعادي


فبس بحاجة لشوي تركيز وكتير من الممارسة رح ينكسر حاجز الخوف ورح تقوي بس بدها وقت
ومش مهم الوقت المهم انك رح توصلي لهدفك
وما تحطي فكرة انك مش رح تتعلمي بل العكس دايما رددي رح صير اقوى
لانو في نماذج كتير كانوا يخافوا وبعرفهن وهلئ صارت السواقة عندهم عادي

موفقة حبيبتي ❤❤❤