منتدى عالم الأسرة والمجتمع - عرض مشاركة واحدة - مطلوب خلطة مميزة للشطه الحاره وطحينة الساندوت
عرض مشاركة واحدة
قديم 01-08-2016, 10:16 AM
  #3
آلرآسي
عضو نشيط جدا
 الصورة الرمزية آلرآسي
تاريخ التسجيل: May 2016
المشاركات: 303
آلرآسي غير متصل  
رد: مطلوب خلطة مميزة للشطه الحاره وطحينة السا

اقتباس:
المشاركة الأصلية كتبت بواسطة Neat Man مشاهدة المشاركة
اهلا وسهلا فيك حبيبي الراسي
شفت شلون!!؟ دايم الرجل مهضوم حقهم، ودايم الحريم متسلطات علينا، لايخلونا نطلع ولا نشم هوا ولا يودوننا للسوق، وكل شي لهم حلال، أما حنا يالرجال لا عيب حرام وش يقولون الناس عنا، الله بس ياجرنا على صبرنا عليهم، ماعاد فيه حريم هالوقت، الحريم زمان أول، اللحين فيه بس أناث

الزبدة، بقولك حاجة أخوي الراسي، مسألة الشطة خلها على علي، رغم أني أذكرعملتها مرة، لكن أقولك أي شي أسوي ينجح ، وبسويها لك إذا أنت بالرياض، بس لاتنسى الحساب، والحساب قبل كل حاجة، مو هم يقولون احنا في زمن المادة!؟ وراح أعطيك فوقه هدية بحكم أنك من جنس الرجال المضطهدين والمظلومين، هي عبارة عن صلصة ثوم بتخليك تنسى الدنيا كلها، قلت أيه يابني؟

وإذا ما اعجبتك شطتي نرجع نصف الحساب، وقبل مدة قريبة كنت في برشلونة، وفيه سوق تقليدي وشعبي قديم عندهم في شارع لارمبلا، اسمه بوكرية، عنده شطنة تخلي اللي فيه جني يطلع من حرارتها، جبتها لأمي لأنها تعشق الشطة الحارة بشكل جنوني حتى شكيت أنه فيها عرق هندي من كثر أنها ماتستغني عنها

وذكرتني بموقف حلو، لما كنا أطفال مادري وش اللي مسكت أحنا وأصدقائي بالحارة أنه نتغدى كل يوم عند واحد، وعددنا ذيك الفترة يمكن 12، المهم أن الواحد صار مايتغدى عند أهله أبد كل يوم ببيت ههههه ، واحد من الاصدقاء مجرم شطة، مرة عزمنا واحد ولاصار عندهم بالبيت شطة، الولد المسكين قال وين الشطة، قال خويي ماعندنا، قال أجل خلاص ماراح اتغدى وطلع من بيتهم زعلان ولا تغدى
الولد هذا شفته مرة من المرات قلت له تذكر سالفة الشطة يوم تزعل وتطلع ولا تغديت، قعد يضحك، قال تصدق ذيك الايام كنت لارحت للزواجات أخذها معي بمخباتي، وقدام العالم الشطة أول المتقدمين لاقلطوا العشاء.
بمناسبة الشطة والكافتيريا، تصدق كنت بمربيا لما رحت اسبانيا، وكان فيه مطعم يشتغلون فيه أخوة مغاربة، وكان عندهم شورما جداً لذيذة رغم أني مو من هواة الشاورما، الزبدة عندهم شطة أعتقد أنها هي أحد أسباب أدماني لمطعهم، صرت يوم ورى يوم عندهم، حتى صرنا اصدقاء، شطة خورافية للغاية، والله يقويك بمشروعك، ومشاريع الاكل ناجحة عندنا وعند غيرنا، أهم شي النظافة والجودة والعالم بتطب عليك وأولهم أنا.
عموما فكر بالعرض وابشر بعزك
هلا بك زوود يا بعدي
هههههههههه الله يسعدك قول أمين
<<<< تراه مايسلك 😆😆
ماشاء الله عليك تعبت وأنا أقراء ي بن الحلال 😥
أنا مستوطن بمكه وقائم بعمليه أحتلال لكم متر مربع
وجاري عملية التوسع في الأستيطان 😆😆
شفت الاخت مسك الليل كيف الله يجزاها خير
مادورت وراء الدنيا دورت أجر الأخره مو مثلك تبي الدراهم 😅😅😅
اسدح المقادير هووون لا تبخل علينا ي رجل 😌
الله يحفظ لك الوالده ويجعلك من البارين فيها
__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به