تتلاعب بي الأفكار بين الجزر والمد
وترسي مراكبها وأنا عن ناسي أداريها
شطآن فكري كثرتها ما تحتمل عد
مثل السفينة اللي ضاعت مراسيها
أكتب شطري الأول وأنتظر له الرد
يجاوبني الثاني حروف تبكيني قوافيها
ضاعت أفكار عقلي بين هزل وجد
والمشاعر صارت براكين من حر مافيها
لو أشرح إحساسي من اليوم للغد
يمكن يجف من أقلامي حبر كان ماليها
وشلون أكتب لا صرت مكبل اليد
بقيود من الهم والضيق مقدر أقاويها
صارت حياتي كلها شد في شد
مثل الجريح اللي له جراح محد يداويها
تهقون إني أقدر أحط لشدتي حد
إيه أقدر لأن الروح لها رب ماهو بناسيها
لا طلبته معونة كان العون و السد
جزل المكارم ما يمن عطية صار عاطيها