السلام عليكم جميع

أبعدي عن المازدا وأنا أخوك ما تنفع بريال

أختي بختصرلك الموضوع في نقاط بأعتبار أن الخيارات هي تويوتا كوريلا وهونداي سوناتا:

- الكوريلا تتراوح اسعارها كاش من الأربعينات لبداية الخمسينات حسب المواصفات والله أعلم (بالنسبة لهاذي السيارات أهم شي من وجهة نظري قير اوتمتك وشبابيك كهربة وبس)

- السوناتا تتراوح اسعارها كاش من الخمسينات لبداية الستينات والله أعلم.

- التيوتا والكوريلا خصوصاً من أقوى السيارات اليابانية وأكثرها عملية أن لم تكن أقواها (إذا تجاهلنا سيارات الهوندا الغالية في الأسعار والقطع)

- الهونداي سوناتا سيارة جيدة وقادمة بقوة ومن داخل أفخم وأريح من الكوريلا بكثير لكن على المدى البعيد حلينا نقول خمس سنوات الكوريلا تقون عملية أكثر ولو بنسبة بسيطة (سيارة أكتسحت الأسواق مو بس بالسعودية حتى في أمريكا وأوروبا)

- عبد اللطيف جميل أقوى وكيل على الإطلاق وخدمتة ممتازة وهذا ما يمنع أن الوعلان جيد ومستواه متحسن كثير صار مو بعيد من عبد اللطيف جميل.

- قطع غيار السوناتا أرخص بقليل من الكوريلا لأنها كورية وجميع القطع للسيارتين متوفرة في الوكالات والأسواق المحلية.

- للمعلومية لأبد العناية بالسيارة والالتزام بصيانتها الدورية قدر المستطاع مهما كانت قوية وبما أنها تحت سواق لازم تتابعونه بحيث يعملها الصيانة الدورية كل 5000 كلم أو على الأقل يغيرلها شي يسمونه زيت وفلتر المكينة هذا في حال ما تبون تدخلونها الوكالة عشان الوقت والتكلفة ولو أن التكلفة ما تفرق كثير ريالات في هذي الحالة السيارة بتعيش معكم عشر سنين زي الساعة.

- بالنسبة للطريقية الدفع: الأقصاد أغلى بكثير وشروطها صعبة والسيارة ما تكون تحت التأمين لأن السيارة تنقل بأسمكم على طول وتحت كامل تصرفكم **** أما الاجار المنتهي بالتمليك نسبة الفوائد أقل وتكون السيارة تحت التأمين لا كن تظل السيارة بأسم الوكالة حتى تدفعون أخر ريال وشروطة أسهل وفيها شبهة وكثر فيها الكلام بين محلل ومحرم أستفتي شيخ بس بعد ما تشرحين له حالتكم**** أما الطريقة الثالثة وأنا أشوفها الأفضل فهي عن طريق البنك يشتريها البنك كاش وتقصدونها عليه اقصاد وما تزيد نسبة الفائدة عن 6% بس ما تكون تحت التأمين وممكن يقصدلكم على خمس سنوات حسب رغبتكم وهذي حلال ما فيها شي والله أعلم

والله يوفقكم