اقتباس:
المشاركة الأصلية كتبت بواسطة sa33
أكيد كلنا بنحب الفول 
أنا أصلا بأطبخه بالبيت يعنى مش بأشترى بتاع العلب
بأجيب فول حصى وانقعه يوم كامل مع تغيير الماء كل 8 ساعات وتانى يوم بأحطه فى القدر الضغط وكنت بأحط معاه شوية عدس قد ملى كف اليد وطماطمة وجزره لكن بعد الرجيم بقيت بأحط الفول وعليه ماء فقط الماء بيكون ضعف الفول أو أكثر شويه واتركه مدة ساعه بعد ما الحله تصفر وبكده بيكون عندى فول طازج بأحطه فى عبوة بلاستيك بعد ما يبرد طبعا وأحفظه بالثلاجة او لو الكمية كبيره بأحفظه فى الفريزر.
أما عن طريقة طبخه فأنا بأخذ منه مقدار خمس ملاعق ممسوحة يعنى 50 جرام وأضع عليهم كمون وملح وشوية ماء صغيرة واتركهم يغلوا على النار ثم اغرفهم بطبق غويط واعصر عليهم نصف ليمونه واقطع عليهم بصا اخضر وفلفل اخضر وطماطم وبالهنا والشفا
لكن طريقتك حلوه جدا بس سعراتها هتكون عاليه بسبب الزيت
حبيبتى نورا بالله عليكى بلاش الشيبسى لأنه هيضيع لك تعب الاسبوع كله.
ياله سماح المره دى بس ما عاد تعيديها تانى .
وأنا هأقولك على طريقة شيبسى كثير لذيذة وصحيه
شوفى يا ستى انتى تجيبى بطاطسه وتقشريها وتغسليها وتقطعيها بقطاعة البطاطس الشيبس ومنها اليدوى ومنها الكهرباء حسب المتوافر عندك وبعدين تغسليها تانى وبعدين تجيبى صينية تيفال وتضعى بها حبات البطاطس مفرده عن بعضها يعنى ترصيهم بعنايه بحيث ما يكونش فيه حبتين فوق بعض وتبلى ايدك زيت فقط ثم تمسحى بايدك فوق البطاطس وتدخليها الفرن ربع ساعه وهتطلع لك احلى شيبسى وممكن تضيفى له الاضافات اللى انتى عايزاها قبل ما تدخليها الفرن ممكن تحطى ملح وليمون او شطه أو خل حسب رغبتك
أما عنى فالفطور اليوم كان نصف بيضه مقليه فى التيفال بدون اى دهون +ملعقتين فول+قطعة جبن 7 جرام قليل الدسم + ملعقة عسل 5 جرام +نصف رغيف بر+ شرائح خضروات منوعة=35+20+15+10+65+5=150 سعر
الغذاء: خمس ملاعق مكرونه مسلوقه+نصف سمكة (50 جرام)+ سلطة خضراء=75+100+70=245 سعر
العشاء:
نصف تفاحة +نصف برتقالة+نصف موزة+نصف علبة زبادى=40+30+50=+65=185 سعر
المجموع:580 سعر
الرياضة : ساعتين مشى سريع ( اتهد حيلى) بس علشان اعوض امبارح لأنى مالعبتش رياضه امبارح خالص
وساعة ايروبكس
|
سلام ام عمار عندي ليكي سؤال كيف بتحسبي السعرات بشكل دقيق
وكمان متلا انتي بقبل بيوم بتحضري نوعيه اكلك وبتحسبي السعرات او بنفس وقت الوجبه
لانه بحس طريقتك مدروسه ماشاء الله