منتدى عالم الأسرة والمجتمع - عرض مشاركة واحدة - أم الزوج.... العمة ...الخالة... كيف نعاملها؟؟
عرض مشاركة واحدة
قديم 22-05-2008, 02:13 PM
  #7
الخــواطــــــر
عضو نشيط
 الصورة الرمزية الخــواطــــــر
تاريخ التسجيل: Apr 2008
المشاركات: 168
الخــواطــــــر غير متصل  
اقتباس:
المشاركة الأصلية كتبت بواسطة -نوران- مشاهدة المشاركة
ازاي بينادوها عمو و خالو ؟ دي ألفاظ للذكور !!
و ما ينفعش تناديها ماما عشان الآية بتقول " ادعوهم لآبائهم "
ناديها عمتي من غير فلانة , أو طنط ( صعبة عليكِ أتوقع ) , ممكن unte فلانة ( برضه مش قوي )
اممممممم , مش عارفة بصراحة موضوع التسمية بس عمو و خالو قمة في البياخة
ممكن عمتو أو خالتو
و ممكن تسئليها بنفسك عن الإسم اللي تحبه ده حيفرق معاها جدا و تعرف ان رأيها يهمك

ممكن تشتريلها هدية ظريفة و تجربي أكلة و تروحي تزوريهاو تقوليلها دي هدية و ده أكلي أول تدريباتي حبيتك تشرفي عليها
عمو وخالو الفاظ للاناث عندنا بالامارات يعني اعتقد حتى التشكيل يختلف ..كلن ولهجته ....ومستحيل انادي حد بماما غير امي الله يحفظها .... لو ناديتها عمتي ما بتكون حلوة لان لفظة عمووه ارق عندنا .. بس حلوة كلمة طنط ( ما اتخيل) ... وما يصير unte صعبة واايد

ما يصير اسالها لان اولردي مرت سنة ...بتقولي اللحين تسألين .. ابي اغير الاسم بدون ما تحس و بنفس الوقت تستانس مني ..

يعني أكلة مه هدية بسيطة ... فكرة ...شو ممكن يناسبها؟؟

اقتباس:
المشاركة الأصلية كتبت بواسطة toti_froti مشاهدة المشاركة
الله يبارك لك ممكن تناديها عمتو او خالتو انا وخواتي ننادي عمتي اخت والدي بعميمة
اختلاف لهجات يعني ... كيف عميمة ؟؟كيف تشكليها؟؟

اقتباس:
المشاركة الأصلية كتبت بواسطة شوبارد مشاهدة المشاركة
ناديها عمتي او خالتي
وخلك طيبة معها ومحترمتها
ونصيحة نصيحة نصيحة
خلك سطحية معها ومع اهل زوجك مو رسمية كأنك غريبة
خلك سطحية يعني لاتدخلين بشؤونهم ابدااا الا اذا كانت امور عادية
ولاتقولين لهم عن كل شي بحياتك عشان ماتندمين
وبين فترة وفترة اهدي ام زوجك وامدحيها بعض المرات
وادعي لها لما تسوي لك شي زين
وانصحي زوجك ببرها لما يقصر

موفقة
جزاج الله خير..... صح نسيت فكرة اني ادعي لها ... واني اتمدح فيها (( نقاط مهمة))
بس كيف يعني سطحية ...اذا انا بعيش معاهم ... مو لازم تكون علاقتي معاهم قوية ... انا ما بتدخل في مشاكلهم الخاصة ان شاء الله... بس لازم اشاركهم كل شيء ...ولا ؟؟

اقتباس:
المشاركة الأصلية كتبت بواسطة مضى عمري مشاهدة المشاركة
أهم نصيحة عزيزتي تعاملينها بما يرضي الله
ولكي تبقى العلاقة بينكم طيبة....أبعدي عن كلام النساء ممكن يجونك زوجات الأخوان وطبعاً كل وحده تدلوا بدلوها
نصيحتي لاتسمعين ولاتنقلين كلام مهما كان ...
دايم كوني عون لزوجك على برهما وذكريه لونسي....
لوذهبتي للسوق لاتنسين العمة ولو بشئ بسيط...
مرات لو دخلتي السوق مري عليها وقولي لها تعالي معنا أو خلي زوجك يقولها ...طبعاًخاصة وقت الأعياد
أقترحي على زوجك بعد مدة من زواجكم تروحون عمرة وأصطحابهم معك تنالين الأجر...
وبعدين زي ماتحبين زوجات أخوانك يعاملون أمك عامليها وبصدق...
لاتحطين براسك أن هذا زوجك أصبح ملكك لأن هذه الفكرة دمرت بيوت...ولا تقولين مثلاًليه زوجي هو اللي دايم مركزين عليه تعال جب وهات...صدقيني الولد اللي دايم يطلبون والديه منهم حاجتهم دون غيره من أبنائهم والله هذا خير له من الله وبركة.. وبعدين حثي زوجك دايم لو نسى يعطيهم من راتبه لو شيء قليل حتى لو ماكانوامو محتاجين وخاصة الأم حتى يجعل الله البركة في مال زوجك..
وبعدين مهما حصل منها شيء ممكن يضايقك لاتقولين لزوجك..أحسني النية وقدري كبر سنها...وقدر الأمكان قابلي الإسائه بالإحسان...ولاتنسي الدعاء أكثري منه قبل ماتتزوجين خاصة أن يؤلف بين قلوبكم أنتي وزوجك...وأهله
بارك الله فيج ...ها الافكار اللي كنت ابيها ...بس كلها تنفع بعد العرس ان شاء الله... وان شاء ما انسى الدعاء

وسؤال ثاني ......زوجي اولردي يصرف عليهم ..يعني يشارك بمبلغ كبير من راتبه و يعطيهم ... اذا انا اشتغلت افكر اعطي اهلي شوي من راتبي ...لازم اعطي اهل زوجي (( ام زوجي)) مبلغ بسيط؟؟ يعني من باب الذوق لاني اعيش معاهم؟؟