منتدى عالم الأسرة والمجتمع - عرض مشاركة واحدة - معلومات عن رياضة كمال الاجسام وما يستخدم من ادويه فيها
عرض مشاركة واحدة
قديم 29-07-2006, 07:57 PM
  #9
اللامع
عضو نشيط جدا
تاريخ التسجيل: Jan 2004
المشاركات: 204
اللامع غير متصل  
اقتباس:
EyeSheild
عضو نشيط تاريخ التسجيل: May 2005
المشاركات: 96

عندي شوية مداخلات يا ليت يتسع صدرك لها ^___^
اقتباس:
انا في الفترة العب حديد بس و ينقص وزني و الحديد هو افضل رياضة لانقاص الوزن لانها تحافظ على العضل... في الحقيقة اذا الواحد يبغى ينقص وزنه فلازم بالاكل في المقام الاول يعني لما تكون السعرات الجاية من الاكل اقل من السعرات اللي يحرقها الانسان في الحياة العامة و التمرين (بغض النظر عن التمرين) راح يكون فيه نقص في الوزن..نوعية التمرين (الحديد مقابل الهرولة) راح تتحدد نوعية الوزن المفقود (هل هو عضل او شحم)

و هذي مداخلة لاحد ردودك ( و استحملنا شوي ^__^)
اتقبل وجهة نظرك لكن خليني اصحح معلومتك
كون ان الحديد افضل رياضه لانقاص الوزن هذا شي خاطئ 100% وتقدر تتأكد من هذا الشي ما لاعبين كمال الاجسام المحترفين وتشوف اوزانهم اللي تتعدى 100 كيلو جرام
ثاني شي الحديد رياضة بناء عضل يعني زياده حجم العضل وزياده حجم العضل = زيادة الوزن
واما عن حرق الدهون
فالحديد من اكثر الرياضات اللي تحرق الدهون لكن فيه معلومه لازم تعرفها
ان لاعب الحديد ياخذ قبل ما يلعب بساعتني او اكثر وجبة كربوهيدرات عاليه علشان يحرقها بدل الدهون يعني الدهون ما راح تتأثر
طبعا المفتول هدفه انه يحرق الدهون لكن مستحيل يفكر انه يحرقها بالحديد .. يحرقها باللياقه والرجيم .. تدري ليه ؟
لان كمال الاجسام تحرق سعرات حراريه كثيره جدا جدا
في اول اسبوعين او ثلاثه ممكن ينقص وزنك لكن بعدها جسمك راح ينتبه للنقص الشديد ويمسك الدهون وما يخليها تنحرق علشان يحفظ للجسم طاقه
وهذا شي علمي مثبت
علشان كذا لاعب رياضه كمال الاجسام ياخذ كربوهيدرات ويحرقها في التمرين علشان يتجنب الاقتراب من الدهون يوخلي حرق الدهون اما للياقه او تمارين التنشيف
بعدين فيه فرق بين انك تلعب حديد ( بالادوات ) وانك تلعب رياضة كمال الاجسام او بناء الاجسام ( ادوات + تمرين شاق + بروتين + راحه )
ادوات الحديد بوزن خفيف وتكرار كثير راح تحرق لك الشحوم
وادوات الحديد بوزن ثقيل وتكرار قليل راح ينمي العضل



اقتباس:
انت اكيد تعرف تمرين السكوات او القرفصاء... فعليا عشان توازن جسمك و تحافظ على الوزن اللي فوق كتوفك لازم يشتغل خصرك (البطن و الجوانب و اسفل الظهر) و قس على ذلك باقي التمارين اللي تحتاج الى توازن و توافق حركي..اذا حسبتها بهذي الطريقة راح تلاحظ ان عضلات الخصر عند لاعب الحديد ( و خصوصا رفع الاثقال) راح يكون اقوى من غيره..
و شي ثاني وجود الكرش ( الشحم) يعتمد فعليا على نظام الاكل..يعني لو عندك كرش و رحت تسوي تمارين بطن بالهبل من دون ما تعدل في اكلك فالكرش ما راح يروح يمكن يتغير شكله شوي لان العضلات صارت مشدودة...
كل التمارين اللي تعملها بالذات اللي فوق الكتوف لها تأثير على عضلات البطن
بس عضلات البطن تعتبر من العضلات الثانويه في الشغل او حتى الاقل ثانويه
دائما في التمرين عندك عضلات اساسية تشتغل وعندك عضلات ثانويه وعندك عضلات اقل من الثانويه
نجيب مثال :
تمرين الاكتاف الاماميه بالبار ( رفع البار فوق وانت واقف)
العضلات الاساسيه هي عضلة الكتف الاماميه
والوسطى تكون ما بين الاساسيه والثانويه
والعضلات الثانويه هي عضلة التراي والظهر والسواعد
والعضلات الاقل من ثانويه هي عضلات البطن والارجل

عضلات بالطن نادرا ما تدخل في تمارين
لكن فيه التمارين الاساسيه اللي يسوونها لاعبين اللياقه او الكاراتيه مثلا
تكون اكثر صعوبه من اللي يسوونها لاعبي الحديد
واذا تبغى الصراحه .. عضلات بطن لاعب الكاراتيه اقوى من عضلات بطن لاعب الحديد
لاعب الكاراتيه يسووي 2000 عده يوميا او كل يومين وعلى جميع عضلات البطن الوسطى والجانبيه
اما لاعب الحديد فمستحيل يوصل لمثل هالرقم

اوكيد طبعا تغيير نظام الاكل هو الاساس لان اذا ما مشيت صح فالاكل ما راح تلقى نتيجه

وشكرا لك على مداخلتك واذا عندك اي شي ثاني تفضل