معلوماتى وخبرتى كسودانية عن الدلكة هى خليط طبيعى لانواع مختلفة من الطحين والبهارات والعطور وتطبخ بطريقة تجلعا سهلة التخزين لفترات طويلة بدون ماتخرب وهى زيها زى السكرب بس مواد طبيعية وليها ريحه خيالية بالنسبة لنا قمه فى الانوثة والحلو تستعمل بعد ما تسوى الدخان وهو كالساونا بنولع الطلح وهو ذو رائحة قوية لابد من التعود عليها لغير السودانين البعض يحسها قوية بس بيعطى لون كالذهب ..
فى خشب ثانى اسمه الشاف ريحته احلى بس لونه شويه لو الواحدة لو مااتخلصت اول باول من تراكماته بيعطى لون داكن بس عنده ريحة حلوه جدا
البخور انواع واهمها واحلاها بخور الصندل ويتم تكسير الصندل لاصابع ويطبخ بالسكر الكراميل حتى يحتفظ بكل العطور التى تصب عليه ووووواو من ريحته
وفى انواع اخرى يستعمل الشاف والصندل ويطبخ بنفس الطريقة وفى انواع بتكون بودرة تشكل على شكل كرات
الدخان للمتزوجة مهم جدا لانه يساعد المهبل على التخلص من الافرازات الزائدة من المهبل وهذا يعطى احساس بالضيق ويمنع الالتهابات المهبلية لاغلب النساء بس لابد من استعمال الدلكة بعده والتبخر ببخور الصندل واستعمال عطر اسمه خمرة وهى سودانية 100%
الدخان مفيد لكل من عندها مشاكل مفاصل والا رطوبة والم الظهر وباستعماله الواحده بتفرز كمية من العرق تطلع المياة الزائدة مما ينتج عنه تخفيف الوزن للبعض
اتمنى ما اكون طولت بس حبيت اشارك خاصة انى محرومة من استعمال الدخان بالذات لانى اعيش فى دوله اوروبية ومستحيل اتدخن والا المطافىء بتشرفنى وصورى تطلع بالجرايد
التعديل الأخير تم بواسطة نظرة أمل ; 13-11-2007 الساعة 12:31 PM