عضو المنتدى الفخري [ وسام العطاء الماسي ]
تاريخ التسجيل: Jul 2014
المشاركات: 2,301
رد: مطلقه وحابه ابادر بالصلح
شي محزن ان اخوانك سندك وعزوتك يضربوك ؟
المفروض بالعكس يداروك مداره جبرآ لكسرك
.
.
انا اقول رجعتك ابرك
بس ماتدري يمكن قلبه تعلق بوحده من اياهم ؟؟
المهم حاولي وجسي النبض بس بدون تصريح ولا استعطاف
.
.
ارجعي ادخلي انتي وبنتك بحياته بشويش 😊
بدل مو كل فتره البنت تروح خليها كل اسبوع
اتصلي على عماتها وفهميهم ان البنت مره تشتاق لاابوها
ولبسيها و خليها كيوت اخر شي ،، علميها كمان كلمات وحركات كياته 😊
عشان تذوب قلبه ويتعلق فيها . ولبسيها احمر و وردي وربطات شعر وشباصات ... الخ
وارسلي معها شنطه فيها وجبات اكلها ومناديل معقمه وغيارات وعطر اطفال وريه السنع وخليه يعرف ان البنت مو ناقصها شي ولا تبغى شي الا شوفته ( حتي لو كان هالشي مو حقيقي )
تلحلحي شوي ،، وان احتاجت بنتك شي دايركت ارسلي له رساله باادب واحترام انه ياابو فلانه محتاجين كذا ولا كذا
اتركي سالفة اخواته المراسيل واخوانك الوسطاء ( ولا يتدخلو افضل بعد ضربهم لك )
واشكريه دائمآ برساله لطيفه على اي شي لو بسيط وتافه يسويه لبنتكم
وامدحيه 😊 بس بحدود
واهم شي اذا ماتوظفتي دوري لك على وظيفه ترى الفلوس تعز صاحبها
.
.
ولا تحسبي حساب بيقولو بعدين هي رجعت بنفسها ؟
ماعليه حبيبتي شوفي مصلحتك انتي وبنتك وين وماعليك بكلام احد
اهم شي بنتك بضل ابوها وانت لك بيت بعيد عن اخوانك وحريمهم
خلك ذكيه هالمره
.
.
.