السلام عليكم ورحمة الله
بقول لكم اللي صاير معي بعد ما اهلنكي التفكير وعجزت القى لنفسي حل مع زوجي
فعلا احتاج مشوره
وبداية قبل ما اقول شي وبصراحة من الاخر انا يستفزني خضوع المرأه للذل او المهانه لأنها امرأه فقط
لا اقبل ابدا ولا هذي شخصيتي اني اتحمل واعيش جحيم عشان هو رجال لازم اتحمله لأني امرأه
ما بحط بذمتي كلمه وحده و لا راح اتبلى على احد
انا متزوجه من سنه ونص , انا من الشرقيه بيئه محافظه نوعا ما وزوجي يشتغل بالشرقيه وهو من جده واهله هناك , انا عايشه هنا مع اهلي , اهلي مايتدخلون بأتفه شي بيننا ولا كني حتى عايشه معهم بنفس المنطقه
زوجي انسان خلوق وحبوب وكريم و طيب واعرف انه يحبني وحياتي معه كويسه وبإذن الله اعرف اني مو مقصره معه
كللللللللللل هذذذاا يتحول لما نزور اهله بجده . امه انسانه متسلطه علي انا بس مع اني اقسم بالله اعاملها احسن من امي وما اروح الا بهدايا لها , الغيره ذبحتها , اذا رحت تموت اذا شافتني قاعده معه , لدرجة انها سوت حكاية و زعلت على ولدها عشان تبي تسافر معنا شهر العسل ايه ايه تبي تسافر معنا شهر العسل وقبل ما اسافر قالت لي بوجهي انا قلت لولدي رجلي على رجلكم وين ماتسافرون بكيفها زوجتك رضت ولا مارضت ..!
تكرفني ببيتها وانا ما اقول شي عادي من عيوني , واخر شي تروح تألف سالفه تظلمني عند ولدها تقول مخليتني اشتغل بالمطبخ وهي قاعده بالصاله وانا والله العظيم ماقعدت بالصاله ورحت لها المطبخ اساعدك بشي خالتي ؟ قالت لا مافيه شي بطلع الحين
طبعا انا الحين حامل بالخامس الى يومكم هذا مارفعت السماعه سألت عني ولا حتى قالت مبروك , واخر مره رحت جده كنت ماشفتهم 6 شهور ويوم رحت انصدمت من الاستقبال تقول لي وش جابك !! تناديني قدام الناس بطريقة مو كويسه بـ ( يا بنت ) , على سفرة الاكل بسس انا ترمي على الملعقه رمي كني جايه من جايتهم جايعه من الشارع ,,
و زوجي ضعيف شخصيه عند اهله بشكل مقرف , كان موجود على السفره ويتفرج عادي عنده , انا مابيه يقول لامه شي لا حشى , لكن تعال طيب خاطري بكلمتين بعدين
يشوفني ابكي يعصب علي زياده
يصدق امه بشكل خررررررااافي حتى لو تظلمني عنده هي صح وانتي غلط بدون كلمة تطيب الخاطر
اذا رحت معه جده يصير زي الطفل كل همه امه واخوانه ينسى نفسه ينساني لدرجة انام بروحي وهو ينام بالصاله !!! اذا رحت جده مايبي يوديني مشاوير ابد كله مع اهله واذا طلعت مكان كل اهله يعرفون ويتدخلون وامه ماتخلينا نطلع بروحنا
حتى اذا شافتنا نايمين يجيها جني براسها لين تخليه يصحى ويقوم عني تدق عليه 24 ساعه قوم ودني وجيبني مع ان عندها عيال كثار ماشاءالله وزوجها و سياراتها واقفه عند الباب
زوجي حتى وانا بالشرقيه يتأثر بأمه تكلمه تقلب راسه علي وانا قاعده في سلام الله ماسويت شي ويجيني شاااااايش
يشاور اهله بكل شي مايشاورني كزوجه يشاورهم حتى متى ياخذ اجازاته و وين يروح فيها وانا يجي قبلها بكم يوم يعطيني خبر فجججأه !!
اقسم بالله من تزوجت للحين ماشفت زوجي يكلم امه قدامي يقوم عني كنه يكلم بنت ثانيه , الا يمكن مرتين عشان حلفي يكون بيقول لها شي سريع ويقفل
تصدقون اقسم بالله اني مره من المرات بجده كنت توي عروسه دخلت غرفه لقيته واقف يم امه احسبها يكلمها بإذنها لكن تفاجأت وعذرا مره عاللي بقوله .. لقيت علامه برقبة امه ولما دخلت عليهم قال لي جاات الحكومه وعلى نياتي احسبها يكلمها وهي مبسوطه تناظرني بخبث وتضحك !!!!!!!!!!!!!!!

ولما كلمته عن هالموضوع بعدين كيف فطرتك تخليك تسوي كذا طيب انا زوجتك انا عندك !!!
رد علي بأسلوب همجي وانفعال قال عادي نمزح وهذي امي وبسوي فيها اللي ابي ببوسها وبـمـ ..... ( اترفع عن قولها)
المهم المواقف كثيره كثيره مادري ايش اقول وايش اخلي
خلاصتها ان زوجي عديم الشخصيه مع اهله مايشك خيط بإبره الا لما يقول لهم و اهله يتدخلون بشكل فظيع
كل هذا راضيه اتحمله دام اني بعيده عنهم اتحملهم فترة الزياره وارجع

للمعلوميه انا وافقت على زوجي فقط لانه ساكن بالشرقيه لو اعرف انه بينقل عند اهله على جثتي ما اوافق
اللي صار انه فاجأني قبل الملكه بيومين قال لي انه راح ينقل بعد الزواج وهو عارف اني وافقت عشانه بالشرقيه !!
ملكتي كانت عن زواج للرجال فاجأني والدنيا كلها انعزمت واللي حاجز طيران من برا ماقدرت اسوي شي وحتى لو نقل ما توقعت هذا وضع اهله ولا توقعت هذي شخصيته عند اهله
لا اهله يقدروني هناك ولا هو يقدرني
المجتمع هناك جدا مختلف علي وما اقدر اتقبله وهو هناك مايرضا لي اطلع مكان لانه عارف ان البيئه هناك مختلفه جدا عن بيئة منطقتني ماعمره قال لا على اي طلعه وبأي وقت

وكل فترة الزواج وهو يجيب موضوع النقل وانه قريب
انا مو محتاره اذا انقل ولا لا ابدا انا ما اقدر اعيش ولا اتعايش هناك لاسباب كثيره ماذكرتها زياده على اللي قلته والله العظيم ان ماعمري رحت جده ورجعت الا وانا نااحفه من الهم وعيوني طالعه من البكا الساعه تمر علي سنه , هو مايحترمني ابدا هناك ويعاملني معامله سيئه ماكنه زوجي اللي اعرفه يتحول حتى مخه يتغير افكاره تتغير , الكلمه الطيبه مايعرفها , ينسى كل شي ينساني حتى صلاته ينساها هناك , مايرحمني مهما يشوفني تعبانه مهما يشوفني ابكي مهما يشوفني متضايقه عااااااااااادي ولا كلمه
وانا ما اعرف ولا بني ادم هناك اروح لمين واتضايق عند مين
موافقه يروح اي منطقه ثانيه مافيها لا اهلي ولا اهله بس مو جده

وعلى فكره النقل هو مقدم عليه مو اجباري
حاولت اقنعه يجلس ما اقتنع وبحاول ثانيه لما يجي النقل الاكيد
حاولت اقنعه ينقل اي منطقه ثانيه ما اقتنع وبقنعه ثانيه بعد

لكن اذا ما اقتنع ! جده اكرهها كرهتها وكرهت بيئتها وكرهت اللي فيها كرهت ريحتها

الحل ؟؟!!

تم تعديل العنوان ليتناسب مع المضمون