ممكن يعملو كل شي ذكرتيه بالاضافه لوجود الجوال ..
وهي الام لاااااااااااازم تعمل كنترول ... والطفل بدا العمر انتي الي تبنين ثقته بنفسه ..
ولازم يكون في وقت لكل شي ويتقسم الوقت وقت للجوال ووقت للبيت ووقت للمذاكره ووقت للنشاطات الاخرى ..
لكن ما ارضى بنتي او ولدي يحسو بنقص ( وجهة نظر ) ..اديهم بإعتدال وبمراقبه واعمل كنترول انا والاب من الطرفين ..

احب الحياه الي تكون بعيده عن المنع والحرمان وكأن الطفل بعمل جريمه
.. وتكون بالتفاهم والتوضيح وبناء شخصية الطفل بطريقه سليمه


اختي في الصف السادس كان معاها ايباد وكل زميلاتها معاهم جوال .. المهم ماما كانت رافضه فكرة الجوال نهااائي وماتدي البنت جوال الا بعمر 15 سنه وكان هدا الحال معي انا واختي اخدنا الجوال بعمر 15 سنه .. لكن كان مافي اصلا في زمننا اول وحده عمرها 12 او 13 سنه ومعاها جوال فكان الموضوع عادي ..

المهم بعد ماشافت ماما صديقات اختي وجيع بنات المدرسه ويتواصلو مع بعض ع السناب والانستا حست انه اختي المفترض تتعامل كتعامل هدا الجيل من تطور للاجهزه وغيره ..

عزيزتي اختي هدي الان عندها جوال لكن هناك كنترول من ماما الله يحفظها مخصصه لها وقت للجوال يكون بيدها لمدة كم ساعه معينه في اليوم بعد كدا تاخدو منها وتقولها يلا الان وقت المذاكره او الان ساعدي اخواتك بالنتظيف و هكذا .. واختي هده الصغيره تنتبه وتهم لاخوي الصغير الي عمره سنه ونصف وتساعد اخواتي بتنظيف البيت ووقت ماتتجمع العيله مع بعض ممنوع تمسك الجوال . لازم الطفله تتعلم حتى من نفسها ان لكل شي له وقت محدد
لكن فوق دا ماحرمناها من شي اصبح الان في متناول الجميع

الموضوع مو موضوع جوال وايباد الموضوع موضوع كنترول وطريقة الاستخدام ووقت الاستخدام ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك