اختي الحبيبة
ابسط جواب ممكن تحكيه لما يحكولك ( شوفي دراسة زوج اختك ) هي انو: انتو قبلتو هيك لما تقدم لخطبتك، يعني هو كان حاطط طاقية الاخفاء؟؟؟ ماكان واضح مستواه التعليمي؟؟؟ كان كل شي واضح، بس احنا منفترض انو : معلش بتزوجو وبغير تفكيرو وعقليتو وقناعاتو بعدين، هالشي كتير صعب، وتقريبا نحت بصخر، لازم تفترض اللي بتوافق عواحد انو احتمال كبير ما يتغير، هل رح اقبل فيه وهو عهالحال بلا تغير للافضل؟؟ وبناء عليها بتوافق او لا، ومو لازم تبني قصور بالهوا.
نفس الشي يقاس عليه موضوع الراتب والشغل والوضع المادي، يعني هو تقدم بوضع معين، ليش نفترض انو بعد الزواج وبين ليلة وضحاها ومع الحاح الزوجة انو رح ينقلب 180 درجة؟!!! لا ما بسير نفترض هيك، لانو لما تتم الموافقة عالخاطب، بتكون عمواصفاتة الحاليه ، اتركو الاحلام اللي يمكن ما تتحقق، وافترضو انو باسوأ الظروف رح يبقى عنفس الحال، هلأ اذا تطور فخير وبركة، اما اذا كان شخص مو طموح، فهو بكون هيك من الاصل وما بتأدري تغيري شي، وهو ما خبى شي من الاساس.
اما بالنسبة للعلاج، عارفة ليش مو مهتم يتعالج بسرعة؟؟؟ لانو امرو مكشوف، لو كان امرو سري والناس بفكرو انو الحمل بسير بصورة طبيعية، كان بكون احرص واحد عالحفاظ عصورتو، بس هو هلأ مستسلم، وبحكي لحالو، عالفاضي بنجيب البيبي بالزراعة زي اللي قبلو، اصلا خلص وراقي كلها مكشوفة ، ليش اتعب حالي؟؟؟
اختي الحبيبة نصيبك هيك، ما رح تعرفي تغيري كتير اشياء، حاولي معو بالحسنى، واذا مارضي، ما تصعبي حياتك باضافة مشاكل إلها فوق المشاكل الموجودة، الحياة بدها نحاول نخفف شوي من اعباءها وهمومها ومش العكس.
الله يهديه ويصلح حالو ليقدر يحسن وضعكم عجميع الاصعدة.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..