السلام عليكم ورحمة الله وبركاته
انا اول مره ادخل المنتدى ..وللامانه دخلته لاني لقيت فيه نصايح جدآ جميله
انا الان عمري 28 سنه صارلي 8 سنوات متزوجه من زوج جنوبي غربي
كان رأىع بحبه وحنانه معي زوجي يكون ولد عمي ..امه من قبل لاانولد
وهي مشاكل مع حماتها اللي هي تكون جدتي ..امه عندها 8 عيال وبنت وكلهم مزوجتهم من بنات اخوانها وخخواتها الا زوجي اخذني انا مو الطرف الثاني ...لانه كان يحبني من صغرنا ..المهم عشت مع اهله ببيت واحد
بشقه داخل البيت نفسه ..وربي يعلم بقدر المشاكل والتفرقه والاكلام الجارح والاسلوب -- اللي واجهته
اول ماتزوجته كان متعرف على وحده ثانيه ..وكان كل امورو بالحرام ..سويت معه مشكله كبيره لدرجة الحرمه هذي كان يتعامل معها كزوج بدون زواج فاهمين قصدي طبعا ..المهم صارت مشكله وطلقني وبنفس الليله رجعني مااستمر الطلاق وكانت امه دايم تعبي براسه علي اهم شي لا يحبني ..مرت 7 سنين على زواجنا وانا بلا قيمه ولا احترام ولا اي وجود ليا بينهم ..اسمع واطنش واخدم الام والاب والله العلي العظيم مالاقيت حتى كلمة شكرا ماابغى حد يشكرني بس لا يعاملوني بحقاره وقرف كل هذا عشان انا من طرف الجده المكروهه تخيلو لدرجه حتى جدتي
صرت اخاف عشان ارضيهم..المهم خلال 7 سنوات ربي رزقني بأميرين زي القمر صرت مهما صارت معي مشاكل مع زوجي او امه او اخته اتعايش واصبر واتحمل عشان ماابعد اولادي عن ابوهم ..مع العلم زوجي من الناس اللي ماعندهم شخصيه ولا ثقة بنفسهم ولا له كلمه ..كلمه توديه وكلمه تجيبه ..مو مبالغة هو كدا وربي ..ودايم يقولي ان اهله مايحبوه وانه منبوذ بينهم مدري ليش لما كبرو اولادي بديت احس بجدية كلامه ..بدأت اشوف معاملتهم لاولادي بس يبغو يكسرو شخصيتهم ويربو هيبه عليهم ليش مااعرف صرت بحرب عشان مااحد يمس كرامة اولادي
حتى الحرب اللي كنت اسويها حرب استسلاميه ..ادافع عن اولادي بخضوع لهم وعدم جرأه لان اساسا زوجي ماله كلمه ولا احترام بينهم فكيف حيحترموني او يحترمو كلمتي..مع العلم اقسم بالله اني بين الناس محبوبه ودايم كل سلفاتي بمووتو فيني ويعشقو اخلاقي ودايم بس يمدحولي بتربيتي لاولادي ..الحمد لله رزق من ربي محبة الناس لكن زوجي اكثر انسان احسه مدمر حياتي ..المهم السنه اللي فاتت صارت مشكله بيني وبين اهله والسبب فيها زوجي ..صار كلام بيني وبينه والكلام شوي حساس وهو طبعه يروح يقول لامه كل صغيره وكبيره ببيتنا ..
راح يقول لامه الكلام اللي صار بيننا ..ولما رجع سألته قال ماني مجنون اروح اقولها ..بعدها بيومين عرفت انه راح قالها كل شي من الاول للنهايه بالسالفه ..مسكتني هي وبنتها وسوولي قصه طويله عريضه ..طحت لهم وشبعو فيني طعن وكلام ..المهم تعبت نفسيتي مرررره منهم لدرجة اختنقت وصرت اتعالج عند دكتور نفسي ..زوجي مدري عي رحمة من ربي والا ايش صحي لنفسو وصحي لحركاته وصار يبغى يشتريني باللي يكون صار يقول لاهله كم مره اشوفها مظلومه مااقدر اتكلم ..كم مره تهينوها وانا ساكت ماابغى اغضب ربي واسوي مشاكل معكم ..
اخذني انا واولادي وطلعني من كل الديره اللي اهله فيها ..انتقلنا ومامعنا غير ملابسنا . اول ماطلعنا لبيت ثاني اقسم بالله ياجماعة الخير ربي مايترك احد ماادري كيف ب3 شهور بيتي صار معفش كامل ..وكنت حامل باميرة صغيره ربي رزقني فيها بأحلى مستشفى واحن دكتورة واحلى ولاده كانت ولادتها الحمد لله ربي ماتركني ..المهم عشنا في عالبلد وزوجي بدل المره مليون مره يتأسفلي على كل الحياه اللي كنت فيها وهو كان ساكت ..يقولي مااكنت عارف قيمتك ولا كنت صاين جوهرة زيك انا دوبي احس ان لي اولاد وزوجه ووبيت ..
عشنا بسعاده الحمد لله ..شوي راح لاهله ورجع الرجال يبغى يرجع لاهله ..مع العلم اصلا احواله سائت جدآ مع العمل وانا كنت موظفه واساعده بكل شي هو جلس مع عمله ماقدر يلاقي اي عمل ثاني والفتره هذي كان كل راتبي يروح للبيت مصاريف واجارات وكهربا وتسديد ديون كانت عليه ..ضاق فيه الحال صار يقنعني نرجع لبيتنا اللي عند اهله وانا كنت رافضه بقوووه ..الين اقنعني انه بيسويلي باب لبيتي تصير شقتي مستقله عن اهله هنا قلتله انا موافقه وانا تحت امرك باللي تبغى بس بشرط ماارجع الا وانت مخلص كل شي
وافق واتفقنا على اساس كدا ..جا يوم من الايام بعد اتفاقنا ب3 اسابيع كنا مبسوطين مع بعض مافي اي شي بيننا لقيته يكلم وحده علىجواله وكشفته ..لما واجهته صرت اعطيه كلام وهو يضربني ضربني ضرب مو صاحي كنت بختنق من كثر الضرب ..المهم كلمت اخوي يجي جا وشدو بالكلام واخويا ضربه لما شافني بذيك الحاله ..بعدها تصالحوو ..وزوجي مانساها له ..بعد الكلام هذا بعشر ايام زوجي قال بيرجع للديره قلت له بدري بستأذن من وظيفتي وبرجع معك انا والاولاد قال لا الان ابي ارجع قلتله والباب اللي قلتلي عليه قال انا ماوعدتك
قلتلك اصبري علي وعلى وضعي قلتله بصبر عليك لو ست شهور بس ماارجع الا والباب موجود قال لا مااقدر انا الحين برجع قلتله الله يستر عليك قال انا شاريكي قومي معي قلتله كيف اقوم على اي اساس وانا لا استأذنت من عملي ولا انت سويت الباب ووين ارجع مابرجع بالطريقه هذي يكفي كرامتي بتمسح فيها الارض قال والله اني ماابغى اخسرك تعالي معي قلتله لا ..قال انا باخذ عيالي معي هذولي اطفالي قلتله اترك الاولاد بلا جنان قال انا مجنون واخذ اولادي معه بنتي عمره 9 شهور اخذها من صدري وهي ترضع وطلع فيهم وراح لاهله
وتركني بالبلد هذي زي الغريبه لوحدي بشقه اجار محد داري عني متخيلين الموقف . المهم كلمته بعد ماطلع بساعه قلتله فينك قال انا ماسافرت انا جالس عند خالتي قلتله طيب وهو كان بخط السفر حسبي الله عليه..المهم الحين اخته فين ماتروح تقول للناس طلق زوجته ورماها زي -- وجاب الاولاد ..حسبي الله ونعم الوكيل فيهم وهو تصالح مع اخته واهله على ظهري ..ووالله ياجماعه وهو عندي كنت دايم اقوله كلم امك لاتقاطعها وهو مو راضي لانهم اصلا ماخلو شي من الكلام الجارح وطعن بالشرف الا قالوه فيني حسبي الله ونعم الوكيل بس
الحين انا قلبي عافه ماابغاه ولا ابي اسمه اسمه كرهته كرهه يعلم الله اني نفسي يطلع من حياتي بأقرب فرصه وماني عارفه كيف اقلعه من حياتي ابي الطلاق حتى لو خلع تعبت وقرفت منهم ..وكمان ابي اولادي وبنتي امه ماسكه اولادي واخته ماسكه بنتي .. ونقولهم نبغى الاولاد يقولو لا صار الصلح بعطيكم الاولاد.. يبغو يكسرو ظهرو باولادي مع العلم كلهم تحت حضانتي لسا صغار ..وابويا مو راضي يدخل الشرطه مسكين يقول عيب ندخل الشرطه بيننا بيجيبو الاولاد وهم اصلا ناس مايتعاملو مع الناس الا بالشرطه وابويا لا يقول عيب ..ايش اسوي ؟

تم تعديل العنوان ليتناسب مع المضمون