منتدى عالم الأسرة والمجتمع - عرض مشاركة واحدة

06-06-2017, 04:41 AM

#48

اسعد فتاة

عضو نشيط جدا

تاريخ التسجيل: Feb 2017

المشاركات: 949

رد: شو عاملين عالسحور والفطور

حاولت كثير اصور بس ما اتمكن لان اول ما احط الصفره الكل يجتمع
وماشاء الله العائله كبيرة وكل احد يجي من مكان مختلف
*ويتكلم كانه معه مكرفون* >_<* صداع وربشه
وغير كذا الجو حر جدا والوقت ضيق
بس اوعدكم اني بصور لكم مره الجايه ..

*اليوم عشاني مداومه امي سبقتني وطبخت كل شي تقريبا
*بس رجعت انا كملت لها بيتزا و سمبوسه ومكرونه
ولا احد يقول شي ع الغلبانه بيتزاتي اللي فيها يكفيها
*نسيتها في الفرن ^^ واحترقت هههه

*وبعد التراويح لازم يزورونا اصدقاء ابوي (هاذولا جزء من عائلتنا) وجاراتنا
وقت الضيافه اخوي ساعدني صورلي كم صورة عشوائيه جدا ♡♡
يعني لا تستهينو بالصور وراهن فريق عمل ههه

امي الغالية مستحيل تمدح او تشكر لازم تنتقد ونقدها مزعج شوي ^^
يبدا يومنا متصافيات متعاونات جدا وبعد الفطور يبدا الانتقاد والعتاب !!
ويستمر حتى بعد التراويح اخر شي انفجر واحلف لها بالله من بكره
*ماتاكلو الا ثريد وشاي عشانهم سهلين ونفس الشي عقاب لهم
وهي ترد عليا وبعد ساعتين ننسى وقت السحور ادخل المطبخ
اتفقد الاطباق ايش اكثر شي اكلو!! عشان اعرف بكره ايش اطبخ
وهي تتفقد الاطباق اذا حصلتهم مخلصين و تقابلنا نتذكر الهواش نكمل هواشنا
تتهمني موتتهم جوع !!لاازم يكون فيه اكل فايض عشان ترضى!!
والله مرت 10 ايام ونحن ع هذا الحال عاد ابوي حس فيني وانا رايحه اصلي
مغرب سمعته يقول انا فداها ويمدحني* والله جاتني طاقه ايجابيه
*قدني بطلع للحاره و امر عليهم بيت بيت اطبخ لهم سحور واغسل مواعينهم
*حتى اوصل لسابع جار ،،ايوة كذا الكلمه الطيبه تنفع

يا مسك هذا لاتيه حقنا

الكبار لازم يشربو شاي احمر مثل ما نسميه نحن ونضيف فيه زعتر
واذا اضافو فيه حليب لازم يكون حليب طازج محلي غير كذا مايحبو
اما انا مستحيل اشرب شاي احمر لازم اضيف حليب سوا كان محلي او لا

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم