السلام عليكم و رحمة الله و بركاته

انا مطلعه ع منتداكم و راجيه النصح منكم في موضوع ارهقني لمدة 3 سنوات
بالمختصر انا انسانه متزوجه ولدي طفل واحد
من اول زواجي كانت فيه مشاكل من قبل زوجي ما كان عنده انتماء لبيته الجديد دايم على لسانه بطلقك و شيلي عفشك و اهلي اغلي منك .. طبعا امه ما كلنت مقصره يجيني منتفخ من عندهم بقصد او بدون قصد لان هو ايضا حساس و يتحامل علي كثير انتهت هالدوامه بطلاق ثم رجعت و هالمرا كنت منكسره و كنت اروح زياره لاهله لاكن قبلها اتصل استاذن مرات تردني موب فاضين و ان حضرت كانت تحط مقليات ترا هذا عشانا ! غير تحسيره لي في امور كثيره و كنت صابره صابره مابي بيتي ينهد و الولد يحوس بيننا الولد ابد ما كان في الحسبه يعني ما يقول بيتي ابيه يستقر لم يكن ابد عنصر بناء في حياتنا غير اذا جا من اهله وقالو وصل الكلام ل زوجتك يجي ع راسي ويقول دقي على امي و علميها ردك ! طيب ما انت اشتغلت مرسال بيننا كمل جميلك و قلهم ردي الا يضضضضغط علي .. اطلب منهم بعض الاشياء الناقصه في بيتي انا اتصل و اكلم ما اخليه مرسال و هم يتصلون عليه لو نص الليل وهو برا البيت جب لنا جلكسي من ثلاجتك طيب انا في بيتي لا هو يبيني اطلب منهم بي لا يطلبون مني !! انكسرت كثير بطلاق كثيررررر واستقوو علي كلهم و كان جبروته عالي لين حصل الطلاق الاخير هنا انقلبت الايه وصار يبيني و نشب نشب يبي يرجعني رغم رفض اهلي لاكني قبلت رجعو له عشان الولد و البيت و شفت تشبث خطوه استبشر منها خير .. رجعت !
جلست فقط 3 اشهر في حياة مستقره
ثم بدا الموال
نفس شينه .. يتزعل .. طلع لي بالايام ينام برا البيت بحجة احميك من نفسي ! .. مرت ايام من شهر رمضان افطر و اتسحر لحالي .. و السبب مبهم وان عندي ديون ! طيب انت اشتغلت دوام ليلي خلاص زين .. لا لاكن عفسني عفس و هالمرا نفسيتي تعبانه و مضغوط !!
الى الان ليست هذي مشكلتي ..
مشكلتي من رجعت من طلاقي الاخير وبعد رجوعي له بكم اسبوع
حب الزوج ان يكرمني فكلم امه و انا كنت وقتها في زياره لاهلي و قال اعزمي فلانه قالت له ابشر ! فكان يقولي وهو مبسوط من باب حسن نيه للعلم لم اطرح هذا الاقتراح اصلا اجتهاد شخصي منه من الحب و الحفاوه لي لاكن المفاجاه ....!!!!!
امه سحبتتتتتت عليه ..
هنا جلس اسبوع اسبوعين يسال ما جاك اتصال ما جاك مدري ايش ! قلت لا خلاص نروح لهم و بس
فكان موقفه عدائي ! قال لا تتصلين عليهم و لا تروحين لهم .. مدام انهم ما عزموك ولا شي وانا قايلهم ..
انحرج و انصدم ..
سكت و صرت الح عليه يروح يزور اهله وكان رافض ع اساس ما شافو كلامه شي و سحبو عليه و انه اصلا مو فاضي و مشغول في ديونه و اموره و الدوامينً
اللي يداومهم وان اللي فيه مكفيه بيشوف الموضوع بعدين .. 3 سنوات يا اعضاء وانا في هم .. احدث نفسي كثير الرجال قاطع امه و رفض تواصلي معهم او مع اقاربه عشان مايدرون بالموضوع !
المصيبه في ايش لم تتصل لا اخته ولا امه ولا حتى قريبه منه مجرد اتصال علي ! حتى لو للاطمئنان على الولد !
يعني من طلب ولدها منها ان تعزمني و الى الان لم يرفع لا الام ولا الاخت ولا احد السماعه علي او جتى بالواتس ! امر حيرني جدا ! كان المقاطعه لي انا !
حدثته اكثر من مرا اقل شي قول انت رافض تواصلي معهم وليس انا .. لاكن لا حياة لمن تنادي
مرت ال3 سنوات و قد استشرت من استشرت و كان ردهم مسسسسسستحيل يقاطع امه !
لاكن الواقع لو افتح الموضوع يعصب علي ينكرر. تواصله معهم وانه ماله اي علاقه فيهم !
الى الان انتهيت
جا في يوم من الايام و غيرت جهازي و ادخلت شريحتي اللي باسمه طبعا في برنامج الشركه نفسه عشان اشحن رصيدي المفاجاه ان دخلني بطريقه مفاجاه ع رقمه و فواتيره
المفاااااجاااااه حصلت رقم امه ! وان فعلا في مكالمات !!
دريت لي من شهرين و تعبت فعلا تعبت
ليش هذا التمثيل
ليش هذا الخداع
المشكله اصلا بينك انت و امك
كيف هم سمن ع عسل و انا طلعت اللي قاطعوني و زود زوجي يكذب علي بخصوصهم !!
غير كنت مرات احصل لوم من برا ما نشوفك بالجمعات و لاتجين وكنت اسكت حفاظ عن الحكي الزايد! يعني كسبت سمعه منه !
و اخرته طلعو صالحين مع بعض وانا اللي قاطعه !
ليش !!!! جلست شهرين تعبانه تعبانه
و فتحت الموضوع اكثر من مرا اقول رح لهم ويقول انا مالي خلق تواصل معهم ! و سالته قلت اسالك بالله ما تكلم امك ! قال مالي علاقه ولا تواصل معها ! حلفته و حلف !!! جحد عيني عينك
بس ليش وش الهدف ليش. !

اخرتها انهرت قلت انا شفت لك مكالمه معها ليش تكذب
جحد جحد جحد قال اصلا لا أؤمن بالتكنلوجيا و اني واثق من نفسي يمكن بالغلط جاي الاتصال !!

يا اعضاء هل يعقل !
كيف المشكله بينهم و يمثل لي 3 سنين
والمشكله بينهم و يطلعون سمن ع عسل
وانا اهله مقاطعيني و يحسبوني مقاطعتهم من جهه و زوجي جالس يكذب عدم تواصله بهم من جهه ثانيه !

المصيبه كنت احس باللوم وبعض العتب من اللي يقربون لهم من بعيد اننا ما نشوفك ! ما تجين !
وانا يا عمري اقول عندي اهلي مرتبطه !
وانا اصلا ما يعزموني ولا ينادوني و الناس لو قالو خلي زوجت ولدك تجي ما يقولون لي. ! و انا ابد مابينت شي عشان ما يحس احد بمشكلة الولد و امه و اتاريني اطلع اطرش في الزفه !

يعني شي شفته بعيني و جحده جحد خيالي !
فاتوره بالدقايق و الارقام واضحه جحدها جحد !
ليش ليش
مشكلتك معهم مو معاي كيف صارت المشكله مشكلتي انا

والله والله انا انسانه عانيت كثيررررر معه كثير لسان وصخ واسلوب زفت يومين يعيشني بسعاده و شهرين زعلان و التبن تكرمون احسن مني !

انا في حاله لا يعلم فيها الا الله ابي مششششششووره شاورت اللي حولي قالو مشي منتي ناقصه اللي فيك مكفيك ! طيب عجزت اتاقلم نفسي وصلت حدها !! وبعدين والتمثيل ذا وشو مخي فلت مني اجل كثير كذب علي و كثير ادعا علي لاكن توصل اني اطلع قاطعه في شي مالي ذنب فيه و زود يتواصل بهم ويجحد ذا الشي

انا فعلا مابين عيوني غير مكاشفه اخيره ثم انا اذب ولده في وجهه دا الكذاب و اتصل بامه اللي حتى هي لا وجبتني ولا حشمتني ماني فاهمه كيف منعجنين ذا الخلق

راايكم رايكم لاني تعبت


ملاحظه انا من اشد حرص ع ان الولد يصير له علاقه ب امه و اهله بس شي واضح وانا اعرفه زي الخلق و الناس !! مسالة التمثيل الشنيع والكذب هذا ليش !!!

__________________
لا إلة إلا أنت سبحانك إني كنت من الظالمين