بما أن زوجتي الآن في بيت أهلها وهذا اليوم هو يوم الراحه لي ولها ..

قبل قليل أخذت دش حار وبعده جلست في الجاكوزي وأنا أتذكر ليلة الدخله وأسمع صوت المياه ومع هذا الصوت يمر علي شريط الزواج بسرعه ..

لكن توقفت عند ليلة الدخله وما حصل في هذه الليله وجلست أضحك بصوت عال ..كلما تذكرت ال....

بدأت حياتي في بيت محافظ .. من البيت الى المدرسه الى المسجد ..كحال كثير من الشباب

وكنت دائما وأنا صغير أفكر بزوجة المستقبل هههه وأتخيل أني أمسك يدها ..وأعيش في حلم الرومانسيه والخيال ...

وقبل أن أتخرج من الثانويه .. كنت الح على أمي زوجووووني زوجووووني ... كان حلم حياتي أتزوج " على فكره مراهقتي كانت مبكره جدا .. كنت أتمنى الزواج وأنا عمري 11 سنه .. لكن للأسف لم يقتنع أحد بكلامي ..

لا أُريد أن أتشعب في الموضوع كثيراً وسادخل في لب الموضوع..( < أموت على اللغه العربيه ياشيخ )

خلصت الثانويه ..والعروس الي خطبتها كانت تدرس بالثانويه ...

خطبت ثم تم عقد القرن .. ثم حانت ليلة الدخله:14:

كنت مرتبك جدا وخائف من التفكير .. فأنا الذي لم أمسك يدَ فتاة في حياتي كيف لي أنا أكون أنا وفتاة في غرفة واحده وفي فراش واحد .. أختلط الخوف بالسعاده ..

جلست العروس بجانب السرير وأقتربت منها .." طبعا أنا أفكر وش أقول .. قلت لازم أقول دعاء الزوجه .. أذكر قاريه بمنتدى .."

حطيت إيدي على راسها ,,, وأقول دعاء ركوب السياره وايدي ترتعد .. طبعا الدعاء كنت اقوله بصوت خفيف "والله شكلي وأنا حاط ايدي على راسها هههههههههههه شي

لما خلصت جلست جمبها وأنا أفكر ياربي وش أقول .. البنت مرتبكه وخايفه .. يعني لو اقول لها باااااااو بتصيح ... جلسنا ربع ساعه ساكتين..وهي تفرك بيدها "

قلت لها : أقول مطوله ؟ ما ردت علي ..وتمت ساكته
قلت حلووو بما أن البنت خايفه هذا الوقت المناسب يالذيب تخرعها ..
والله إني مادري وش أسوي ومرتبك بس خوفها ريحني .. ف بما انها خايفه اكيد الكره بملعبي ..

قلت فلانه .. ؟

قالت : هلا

قلت : غيري ملابسك ؟ ( < مافي ذوق ههههه وش هل طلب )
قالت : نعم
شوي الا البنت تصيح دموعها اربع اربع وخايفه

قلت يبنت الحلال ذي الليله بتكون ذكريات .. عيشي يومك ... والبنت ما زالت دموعها تتساقط كأوراق الشجر في فصل الخرووووووووف

قالت : أبغي التلفون بتصل بأختي الكبيره

توقعتها تمزح ... رحت أغير ملابسي رجعت لقيتها تكلم أختها بالتلفون ...

نمت بالغرفه الثانيه زعلان عليها ... أول ليلة زعل هههههههه يازين الثقافه بس


........


ياليت كل شخص يقول لنا أطرف موقف حصل في ليلة الدخله .. أو أي موقف محرج أو يخوف


بنغير جو القسم شوي

الزوجات والازواج مواضيعهم في المنتدى كلها تحلطم ونكد . ..