أرشدوني زوجي و أصدقاؤه و كثرة خروجه !! أعتبروها فضفضة.
بسم الله الرحمن الرحيم
صباح أو مساء الخير
انا بصراحة مالي بالمقدمات
بس موضوعي باختصار
طلعات زوجي
شبه يوميا يطلع برا مع أصدقائه طبعا
أنا إلى هنا ماعندي أي مشكلة
بس الأثار اللي جنيتها من مرونتي معاه بهالجانب سلبية جدا
صار مايشوف حاجاتي
وخلانا بآخر القائمة
ولو أيش مايخدمنا وقت وأيام طلعاته
تارك مسؤولياته خصوصا ان نسبة منهم عزابية
والمتزوجين منهم سالفتهم المسيار وع عليهم
واللي يقهرني زيادة
القهوة والشاهي انا اصلحها له ولعيال خلق الله
والصحون والقدور تحوس مطبخي شبه يوميا وهلم جرا
البيت مااقدر اعطيه حقه لأنه أيام الطلعات أروح لاهلي
حصل موقف أمس ماقدرت ابدا اتحمله
كان عندي ألم شديد بأسناني تعبانة ومصدعة من الألم
حاولت أتحمل بس ماقدرت
وكان عنده طلعه راتبه
لما كلمت عليه آخر المغرب يوديني المستوصف
عصب وسواها سالفة
وكل الطريق محاظرة وهواش وانا كنت مصدعة من الألم
ونسيت بطاقتي
فطلبت منه يسحب لي والله رمى علي الفلوس كأني أشحذ منه شحاذة
قمة الإذلال
ولاتحسبون اني قطعته لـ12 مثلا
الساعة 8 طلعت من المستوصف وبدال مايقول سلامات وشخبارك الحين
قعد يقولي انتي ماتراعين الضروف والا طلعة اليوم
واهم شيء الطلعة أهم منكم!!!!
هجم علي هجوم ثاني
بعدها قال انتي ماتشكرين وانا لحقت اتكلم
كلمت امي وقالت فضفضي عليه>>الله المستعان كان يجلس يتطنز ويستهزئ
واشتكيت لأبوي لأول مرة قالي لازم تحتوين المشكلة وإذا تحبين أكلمه أكلمه
ياناس علموني شلون احتوي المشكلة
مو حياة اني اصير قايمة بكل مسؤولياتي ولما احتاج تأجل حاجاتي
ويوم تعبت صرت غلطانه ولا أراعي الضروف
وزيادة لما حولت له الفلوس ارسل لي لاتنسين 150 قيمة ....
آآآخ بس
الوحدة تتزوج علشان تشقى والا علشان أيش بس
استغفر الله
التعديل الأخير تم بواسطة ماريا ; 21-10-2009 الساعة 04:08 PM
السبب: توضيح العنوان