آآآآآآآآه وآآآآآآآآآه وآآآآآآآآآآه ومليون آآآه
اذا هو امعه وماعنده شخصيه وثقته مهزوزه ليه يقتلني انا ليه ؟؟؟
اذا هو ماعنده جرأه وشجاعه وثقه بالنفس ليه مايخليني اناا تقدم له واخطبه واشوفه ويكون قرار القبول والرفض لي مو له ؟؟؟ هذي صفات الرجوله مو موجوده فيه ليه مسوي ومسمي نفسه رجل طيب ؟؟؟
قربت انجن من هالسالفه ... مره اقول الله يسامحهم ومره اقوول حسبي الله ونعم الوكيل عليهم ...
والله كل اللي شافوني انه وقت ماتعدى اجزاء من الثانيه ... والله اغلبهم يدخل ويطلع وهو منزل راسه بالأرض ...
بس جاي بجسمه وكأنه مقرر يقتلني ويطلع ...والله احس ان جميع النظره الشرعيه اللي صارت عي ماهي مقياس ابدا لشكلي ..
في السابق كنت مو واثقه لا من شكلي ولا اسلوبي .. لكن الحين متأكده وعندي ثقه كبيره بنسبه جمالي ووضعي وحياتي كلها ... مع انه تناقض غريب اني اكون واثقه بعد اللي صار لي .. الا ان عندي شعور كبير بثقه بنفسي ....وبنفس الوقت عندي احساس وهواجس بعد اللي صار انه مافي رجل واثق وشجاع مكن يقبل بي ....
المشكله الحاليه عندي ان التحطيم والأحباط وقله الثقه انتقلت بشكل لايصدق وبشكل عجيب لأمي ...
يعني مع اخر مرتين تصرخ علي بقوه وبعنننننف .. ليه شكلك كذا .. ليه شعرك كذا ... لا تتحركين كذا ولا تمشين كذا لاتقولين كذا ولا تعملين كذا ... ي
يعني صدقوني احسها صار عند امي هوس كبييير من غير ماابالغ ....
انا مااقول للي راحوا الا حسبي الله عليهم .. امي على طول وهي زعلانه علي وتنتقد وتهاوش وتعيّب علي بكل شي ... هذا نتيجه اللي صار ....
والا اللي راحوا والله انهم رغم اني اغلبهم ماارتحت لهم الا اني اوافق واقول اكيد انه خير ... وبعد موافقتي ينهون الموضوع من طرفهم .... حسبي الله ونعم الوكيل .....
رغم انهم فيهم مواصفات رائعه ( من الوظيفه والشهاده ومال ) وتمنوهم اهلي كثير اا اني ماتحسفت عليهم لاني عرفت انهم مظهر رجل بدون اي جوهر ....
انا تعقدت تعقدت تعقدت من سالفه الرؤيه الشرعيه هذي .. كل ماسمعت بنت انها مقبله على رؤيه شرعيه ارتجف خوف احسها انا وادعي الله يعينها ....
وبالأخير مدري ايش اقول ... حسبي الله عليهم والا الله يسامحهم ؟؟؟؟