أخت زوجي تطلقت أبي مشورتكم
السلام عليكم ورحمة الله وبركاته
الاخوة والاخوات الكريم
راح ادخل بالموضوع
اخت زوجي عمرها 23 سنة وزوجها 26 تقريبا عندهم ولد واحد عمره سنة ونص
صراحة ما هانت علي تتطلق بس محتمل الموضوع فيه رجعه صرت شايله همها صغيره وفي نفس الوقت اعتب على زوجي واخوانه وابوها
شوفوا بفصل لكم بعض المواقف واللي صايره بينهم
اولا ببدأ فيها هي
لها مرتين ترجع لبيت اهلها يقولها لمي اغراضك بوديك بيت اهلك طبعا هو اسبوع معها واسبوع في العمل ومرات اسبوعين معها واسبوعين في العمل ووهكذا
تجي لابوها تشكي منه ان كل يوم من يوصل للبيت يرفع صوته ويطلع من البيت ولا يجي غير بالليل مرات ومرات ياخذ الولد
يصير شجار بينهم \
تقول ما احس اني من تزوجته مرتاحة او احس اني بحياة زوجيه سعيدة افرح لو طلع وراح دوامه اغلب وقتي مع اخواته وامه وصديقاتي في الحارة هو يفكر بولده كيف بيربيه تقول تعبت ولا ابي ارد له كلمة احبك ما يقولها ولا اي كلمة حلوه الا بس يجلس مع الشياب يقول لها نحن الرجال ما نقول هالكلام ولما تبي تتكلم عن نفسها والمواقف اللي تصير معها يسكتها يقول ما ابي منك كلام طلبت منه ياخذها يمشيها وداها من الشارع للشقة ولا اخذها تتفسح قالت رجعني البيت افضل
هو في طلاقها قبل نطقه للطلاق صارت بينهم مشكلة وصار كل واحد يرفع صوته على الثاني دخلت عليهم امه ولقتهم على هالحال واخذت البنت معها عشان يهدوا الظهر طلبها لرغبته ورفضت لان تقول المشكلة توها انا فيني ضيق تقول طلع العصر ورجع بالليل وانا زعلانه وهو ولا كأنه صاير شي
الصباح ناقشته بالموضوع وجلست تبكي وهو قالها انا وانتي ما نصير لبعض طالق طالق طالق واخذت اغراضها وراحت لبيت اهلها
طبعا هالبنت اللي اعرفه عنها تحب الحياة ومزوحيه ما تعكر مزاج احد واكثر وحده مرحه حسيتها بعد الزواج كبرت خمس سنين
الزوج حقيقة ارحمه بتكلم عنه
بعد الطلاق راح لها بيت اهلها وجلس عند الباب ومرات لما تزعل منه وتروح بيت اهلها يوديها لبيت اهلها ويرجع يدورها من البيت 
طبعا الولد يعاني من حالة نفسية شديدة اعانه الله كسر خاطري تعرض للضرب والتعب من ابوه الله يهديه وصارت عنده عقدة كبيرة من الضرب لان كان يضربه عند ربعه ويضربه بقوة ومره جاه عمه والاب يبوا يضربوه قام ضربهم باثنين فقال ابوه خلاص هذا مجنون وصاروا يتكلموا عليه انه مجنون لين صدق ان مجنون واخذه ابوه للمصحة النفسية وحبسوه في المصحة وصار يصرخ يكلمهم انا ما فيني شي يتصل بأبوه ما فيني شي ويقول له الاب الا فيك تدهورت حالته النفسية بشكل كبير
يعطوه ادويه نفسية ثلاث انواع
اكتينون لعلاج الشلل والرعاش
هالوبيريدول
ابليفاى 15
يتصل بزوجي يقول انا مدري كيف طلقت انا ابيها وما اقدر من دونها انا الادوية اللي اختها اثرت فيني انا ما فيني شي ابي بس احد يساعدني وارتاح واتخلص من هالشي انا فيني عقدة من ابوي ودي اتغير ودي اعيش حياة صح واختك دايم تقول طلقني - هو فعلا كلامه - يقول ونطقت الكلمة وانا ما ودي اخسركم
زوجي يقول كسر خاطري
انا اعتب من بداية الزواج اسألوا عنه كل شي مستعجلين فيه في احد جاهم قالهم لا تزوجوه الولد ياخذ علاج واحد قالهم الولد تركها
انا زوجي يبيني اتفاهم مع اخته لان تسمع مني لكن مترددة حياتها ما عشتها وبنفس الوقت ودي هالانسانة ترتاح بحياتها وبنفس الوقت الولد قطع قلبي والحاله اللي فيه
هو ارسل اهله لكن عمي طلب رأي الافتاء
راي الاخ الرسمي يهمني
ولماذا نتزوج
والجميع طبعا
__________________
يا رب خاتمة حســنة ، وزلفى ، وحسن مآب ..